كل البنات حلوا الواجب
افرضي انت في فصلك .. جيت ونصف البنات حلوا الواجب ... والواجب هذا بيتوقف عليه نجاحك والباقي ما حل .. كيف موقفك قدام المدرسة .. فشيله .. راسك في الأرض ومانت لاقيه عذر
طيب افرضي اكثر البنات ما حلوا الواجب وانت وكم بنت فقط حليتم الواجب .. اكيد بترفعي راسك لأنك متفوقه
طيب افرضي كل البنات ما حلوا الواجب .. وانت فقط حليت الواجب .. اولا بترفعي راسك قدام الكل .. وثانيا ... هل الي ما حلوا الواجب رايحين يسببوا لك ضيقة في صدرك .. ما اعتقد .. المهم انت عديت من الموضوع ... انت ومن بعدك الطوفان طالما الشغلة فيها مستقبل
هل يهمك اعذار كل بنت ما حلت واجباتها .. مشغوله .. سافرت .. ولو كانت مريضة حتى .. ما تفرق معاك .. طالما نجحت
والحين .. نجي للكلام الي يزعل البعض
ويش عليك في الناس ومن حولك ..لو كلهم اصابتهم الفتن .. المهم انت نجي نفسك
عدونا والله نال منا أكثر مما يتمنى .. ووصل لمرحله ما كان يتوقعها من الجيل الي بعدنا وهذا ماهو من قوته .. بل للأسف من ضعفك انت ومن ضعفنا
كل وحده تقول .. جت علي انا الي باصلح الأمة .. وهذا السؤال الي نكبنا .. وشيب الدعاة في الأمة ... وانا اقول ايه ..ايه .. يا قرة عين المسلمين .. واعطيك مثال
يعني لو انت جالسه في غرفتك .. وحاطه اغنية وهات يا طرب ..وجالسه تقولي بكرة ربنا يهدينا ... ولا احنا أحسن من غيرنا ولا من هالكلام إلي لايودي ولا يجيب .. صحيح ما ضريت إلا نفسك في نظر نفسك .. لكنك ضريت كل المسلمين لأنك محسوبه على المسلمين .. إما معهم ولا عليهم .. مافي منطقة وسط
طيب .. ولو كنت جالسه لا اغاني ولا ذنوب ورفعت يدك وانت في غرفتك ولوحدك .. يعني الشغلة مافيها رياء .. منك للسميع العليم على الهواء مباشرة ودعيت للمسلمين .. اسألك بالله هل هذه الدعوة تضيع عند الله ... ولا ينفع الله بها المسلمين وينفعك .. شفت كيف ممكن تنفعي المسلمين ولحالك وانت في غرفة ماحد داري عنك وغطاء الصلاة على راسك يا مسلمة
مالك ومال كلام عدوك الي يصيح عليك ليل ونهار .. حقوق المرأة .. يا بنات الزمن تغير .. اعطيني بالله حق واحد موجود في القرآن وما جاك !! مين يقدر يمنعك وحنا نكفره طالما أنكر شئ في القرآن
مالك ومال البنات لو كل وحده اخذها الحب وهتكت مابينها وبين ربها .. حلي واجبك ... ترى بيجي يوم بتأخذي صحيفتك قدام الناس وعملك موجود فيه وماينفعك لو نجحوا كل البنات ولا رسبوا .. المهم انت .. انجي بنفسك .. هذه نار .. عم الرسول صلى الله عليه وسلم ما نفعته القرابه .. مين بينفعك بعد هذا .. بالله مين يا بنت .. مين ؟
مالك ومال كل الحريم لو طلعوا وقالوا نبغى نسوق سيارات .. خليهم .. يروحوا وكل وحده تأخذ لها لكزس جديده وتفر فيها الشوارع .. ولو سألك الله عز وجل ليه ما سقت قولي يا رب انت قلت ( وقرن في بيوتكن ) .. اسألك بالله ماتنفعك هالكلمة ... لعلك لو قلتيها في مجلس نساء رفعك الله بها سبعين درجة في الجنة
مالك ومال اصحاب العبايات المطرزة والمخصرة وهالكلام .. انجي بنفسك .. والله ما ينفعك لو كلنا قلنا عليك اكشخ بنت في المنتدى .. في البلد .. في العالم .. يا زين عطرها .. عبايتها .. جسمها يجنن .. وربنا يقول من على عرشه عليك لعنتي إلى يوم الدين .. ( وتحسبونه هينا وهو عند الله عظيم )
تخيلي نفسك مصير الأمة كلها بين يديك انت ظهر الأمة مستحيل تتقدم وظهرها مكشوف
الي يقول لك حقوق المرأة .. قولي الله يعز الإسلام ما حرمنا من شئ ... والي يقول لك انتخابات .. قولي والله ما قرأت ان امهات المؤمنين راحوا سقيفة بني ساعده وانتخبوا ابو بكر رضي الله عنه لاجل اروح انتخب .. انجي بنفسك ترى والله ماحد نافعك ويوم القيامه كل واحد يرمي الذنب على الثاني
تذكري يا بنت هالآية كلما أخذتك الحيرة
( وكلهم آتيه يوم القيامة فردا )
يقولون وحده جاها السيل ورفعت ولدها فوق .. ويوم علا الماء ووصل لفمها حطت ولدها تحت رجولها حبا في الحياة .. هذا في الحياة .. كيف يوم القيامة .. والله لا ام تنفع ولا اخ ينفع ومالك إلا عملك .. الواجب الي كل علماء الأمة يصرخون عليك يا بنت حلي الواجب وخذي كتابك باليمين
باعطيك مثال لاجل تعرفي قيمتك .. في زمن مضى أنثى مثلك حاول اجنبي يكشف عن ساقيها .. فماذا فعلت .. هل نادت ابوها لكي يقتل الأجنبي .. لا .. المشكلة اكبر والكارثة أعظم .. هل نادت زوجها .. ليقتل هذا الأجنبي وعائلته .. بالطبع لا.. الكارثة أكبر .. بل صاحت .. واه معتصماه .. صاحت على خليفة المسلمين لأن شرفها هو شرف أمة وعرضها هو عرض أمة وعرض كل المسلمين .. متى يا بنت تعرفي أن عرضك وشرفك ومكانتك هي لكل المسلمين وليست حكرا عليك او على والديك .. أعلمتي الآن لم يبكي الدعاة على فتيات المسلمين ... لأنهم يشعرون بذلك .. تحسبين أن كل كلمة او شريط هو موجه لغيرك .. هو للجميع ولكن لك نسخة
يا بنت والله اتعبتي الدعاة .. يوم في الأغاني ويوم في الحب ويوم في التبرج والسفور ويوم في العبايات ويوم في القنوات الفضائية ويوم في الأغاني والنغمات وكل يوم للدعاة مع فتيات المسلمين فتنة جديدة .. بس لو تسمعي ونات القهر في صدور الدعاة .. آه يالحسرة .. آه ياالقهر
يا بنت اعيني الإسلام ولا تعيني عليه .. يا بنت اوقفي مع نفسك .. وفكري هل انت في فريق المسلمين .. هل انت لاعب ضمن الفريق ولا عالة على الفريق وتحتاجي إما طرد ولا تغيير
اللهم انك علي وعليهن شهيد فلا تحاسبني عنهن يا رب العالمي
Rasha ksa @rasha_ksa
عضوة نشيطة
يلزم عليك تسجيل الدخول أولًا لكتابة تعليق.
بارك الله فيك وفي قلمك اختي رشا
وهذي هي المواضيع اللي نحتاجها في منتدى مخصص لـ " حواء "
لأن هذا مايهم حواء حقا وما ينفعها في حياتها عند قراءته
جزاااك الله خير والله لايحرمك اجر ماكتبتي
وهذي هي المواضيع اللي نحتاجها في منتدى مخصص لـ " حواء "
لأن هذا مايهم حواء حقا وما ينفعها في حياتها عند قراءته
جزاااك الله خير والله لايحرمك اجر ماكتبتي
صدقتي والله وجزاك الله ألف خير أجمل ماكتب على صفحات النت وأجمل ماقرأتصدقتي والله وجزاك الله ألف خير أجمل ماكتب على صفحات النت وأجمل ماقرأت
الصفحة الأخيرة
أجمل ماكتب على صفحات النت وأجمل ماقرأت