كل اللي تضاربوا بموضوع تبرج البنات بالاسواق ]

السلام عليكم ورحمة الله وبركاته :26:
كيفكم حوائيات
بنات بما ان الموضوع صار فيه هووواش وتكافخ ومطاقق حبيت اضيف هالاظافه لأن
النقاش في هالموضوع عقيم يعني ماراح يجيب فايده لأن كل وحده لها تفكيرها ووجهة نظرها وبيئتها اللي عاشت فيها وفلانه طريقة عيشتها اللي تربت ببيت منغلق او بيت دين بحت وقليل الخروج الا للضروره غير عن فلانه اللي من هي صغرها مع امها بالاسواق واهلها منفتحين باللبس وطريقة التفكير وبكل شي وفيه بنات يكونوا عايشين بالقرى مثلا او بمناطق نائيه او تحت سيطرة اب متسلط مستحيل يخرجهم للاماكن هذي وانولدت وفي فمها عكرة ضب من كثر ماتروح للصحرا وتجي فجأه تتزوج وتشوف العالم وتخرج وتدرج وتروح مجمعات وشي طبيعي تكون ردة فعلها غريبه ومصدومه ومندهشه وتشوف خلاص معاد فيه حيا او دين واننا باخر الزمان وتجلس تتحلطم وتحارب زوجها وتحرمه وتبتدي عندها الشكوك والغيره العميااااا والصدر ضايق 24 ساعه :(
و بالاخير اختلاف الراي لايفسد للود قضيه !!! :26:
واكثر شي يضحكني لما تجي وحده وتقول للثانيه ياناقصه العقل ترا نقصان العقل موجود بكل النساء والرسول صلى الله عليه وسلم اقر به والمقصود فيه ان الحرمه دايما حاطه عقله بكيس ورابطته واللي يتحكم فيها قلبها زي الاخوات الموجودات الي تغار على زوجها بزياده وتحرم نفسها وعيالها وتحاول بشتى الطرق تقفل عيون زوجها ماتفكر بعقلها هي تفكر بقلبها
المووووووووووهم بنات الحين المجمعات كلها مايرتادها الا النساااااااء الجنس الناعم فقط وبما اننا دوله محافظه ومسلمه ليش مايخلون كل المجمعات للنساء فقط واللي يبيعون فيها برضه نساء؟؟؟؟؟
والله اصعب شي على الانثى انها تدخل محل زي محلات الملابس الداخليه وتطلب من الرجال اليماني او السعودي او ايا كان المقاس الفلاني واللون للكلوت الفلاني واللانجري اللي الخ بالله مو عيييييييييييييب وفضيحه وسواد وجه؟؟؟؟
والا مثلا محلات الميك اب تبي الكريم الاساس اللي كذا والروج والكحل وكل شي يخصها وهي قافله وجها وحتى تجربه زي الاوادم مو قادره تجرب واخر شي تطلع بالشي اللي مو مناسب لبشرتها ولاعاد تقدر ترجعه لأنه منتج حساس والمفروض انه مايترجع اذا انفتح!!!
انا تثيرني الدهشه صراحه لما اشوف دول ثانيه مثل الامارات والبحرين والكويت ودول اوربيه واسيويه وبكل العالم اقل منا تشددا بالعادات والتقاليد والدين وفيه دول مافيها دين خير شر واغلب اللي يبيعون بأسواقهن حريم في حريم!!!!!
والله فيه مجمعات عندنا بالشرقيه كل محلاتها نسائيه ومافي شي يخص الرجال مثل مارينا مول وابن خلدون والشاطئ بلازا وغيرها اجل وش حقه الرجال موجود؟؟؟
وكل الشباب اللي يجون فيها يكون بغرض الغزل واصطياد البنات الا من رحم ربي
شوفوا الحين مجمع الراشد كان مختلط دايما وكلللللللللللله شببببباب وغزل واغلب اللي يروحون له لغرض التشبيك والتكشخ والترزز والتميلح صار الحين طول الاسبوع للعوايل عدا الويكند خلوه للشباب لأن برضه فيه شباب يبون يشترون خلوه كذا لأن اصحاب المحلات يشتكون محد يشتري فاتحين المحلات ع الفاضي وخساير ف الاجارات ولكهرب وغيره
بصراحه الدكتور غازي القصيبي وزير العمل ابتدا خطوه حلوه وهي ان محلات الملابس النسائيه راح تتأنث وهذا اللي شفته فعلا بأغلب محلات نعومي صارت مقفله وللنساء فقط والله هذا الراي السديد الوحده تدخل وتكشف وتاخذ راحتها وتشتري السايز المناسب لها بكل بساطه وتطلع وهي راضيه ومايأنبها ضميرها من الاحررررررراج
والله انا استغرب التناقض اللي عندنا بدولتنا
وان شاء الله لو صار كذا انا متأكده معاد بنشوف تبرج وسفور بالاسواق لأن كلها حريم بحريم خخخخخ (:
هاه بنات تأيدوني بهالحل والا لااااا :p