كل حكيمه ولديها راي سديد لا تبخل علي! ؟؟؟

بسم الله الرحمن الرحيم
السلام عليكم ورحمة الله وبركاته
بدخل في الموضوع مباشره وارجو كل من لديها راي سديد لي لا تبخل لان الموضوع حساس جدا ...

(حن اخوه ايتام ولدينا بيت صغير بس تجاري وكل واحد في نفسه ايريد ايبيع بس ما صارحنا بعض المهم اختي لمحت وتكلمت انها محتاجه وتريد نصيبها وهيه زعلانه من اخوي الكبير وقالت لي اكلمه.. انا كذالك ودي ينباع البيت ونرتاح من اتلميحات وضن بس المشكله انه في غموض من ناحيت اخواني الذكور لان انا كلمت اخوي وقلت له ليه ما تبيع البيت وتعطي كل واحد حقه قال ليش مستعجلين المهم قال كلام لم يقنعني فسكت ...وبعده بفتره ليس بطويله جا مشتري عن طريق اختي وقلت لخويه قال ليش اتبيعوا لغريب انا بشتري قلت صح انت اولى فاتحت اخواتي الباقيات حد رحب واحد رفض وقال سعر السوق اكبر اخواني يستغفلونا ليش احنا بنات والله انا في حيره من امري وانا صرت في النص بين اخواني واخواتي ومحتاره من اصدق والله يهدي اخوي غامض ليش ما يجمعنا كلنا ويفتح الموضوع ويحله بحضرت الجميع بس هو يتهرب والله بدى الفار يلعب في عبي والضنون تحيط بي وقلت اكيد هم خلاص متصرفين في البيت بدون ما يرجعولنا وبايعن او راهنين ويماطلو في الموضوع .........الحين اختي تلح علي وكل يوم تتصل وانا ما فيدي شي وفهمتها وهيه مصره ادخلني في الموضوع انا قلت لها لو كان لك نصيب بتاخذيه ولو ضلمونا خليهم على الله بدون ما نسوي معهم مشاكل ونخسر كل شي ونتسبب في قطيعة الرحم )اتمنى كل من لديها حكمه او راي سديد في التصرف مع اخوتي ارجو ان تفيدني بدون ماخسرهم وخاصمهم ولكن جزيل الشكر