كل زوجه..... تذكري ..كما تدين تودان؟؟؟؟؟

السلام عليكم ورحمة الله.........

اكتب هذه الكلمات بعد ماشفت حرمه عجوز منحني ظهرها الدموع تسيل من عيونها .... والله اني حسيت عبره انخنقت بين ضلوعي....وتذكرت ولدي بكره يكبر ويصيرلي زيها؟؟؟؟ يارب تصلح عيالنا....

هذي عجوز لاحول لها ولاقوه كسرت خبز تشبعها وشوي حنان من عيالها....عندها ثلاث عيال وبنتين وهي تسكن بقريه لحالها بعد موت زوجها
وبنتها ارمله وعندها عيال هي الحنونه معها وجابتها بالقوة عندها( تقول العجوز يابنيتي انتي تصرفين علي ولاعلى عيالك) يايمه وش ابتاكلين خليك عندي تريحيني واطمن عليك؟؟؟؟

عيالها ثلاث كل واحد عنده عيال وبيزوجون بناتهم.... المهم الام ماتشوفهم غير ساعه كل اسبوع ولما يجونها الواحد كانه جالس على جمر؟ والمسكينه لماتشفهم يادوب تمشي وهي منحنيه تجيب العبايه عندها وعندها امل يقولولها هيا بس تخلص الدقايق ويسحبون نفسهم ومع السلامه ويصكون الباب وتبدا العجوز دموعها زي الطفل لاتأكل ذاك اليوم ولانوم....

يوم زرتهم بعد المغرب شفت العجوز وسلمت عليها وشوفها متكيه ومغطيه نص وجهه وقلت لابنات بنتها وش فيه خير قالوا: تدق على عيالها ويرفعون حريمهم السماعه ولما نعطيها السماعه وتقول الو يقفلون الخط تجلس بدموعها وتقول : عيال عيالي مشتاقه اشوفهم؟؟؟؟؟

للأسف ولاوحده من حريم عيالها في قلبها ذرة رحمه ولاوحدة ربي صالحها.. تكون احن من عيالها
وهي زياره كل يومين ومع شوي فاكهه وش بتخسركم بعض الريالات بس شوفوا الاجر العظيم من رب العباد لكن الشيطان عرف كيف يكون له جنود...........

إى كل زوجه خافي ربك بأم زوجك واعطيها كل حب وأأأأأأأأأأأأأذكري إنك يوم من الايام راح تكوني مكانها ........