كل عام واحبابي بخير.. موضوعي هذا عبارة عن سؤال... ادخلوا قبل الزحمة!

بسم الله الرحمن الرحيم

ما اعرف ابدأ واقول وحشتوني؟ ولا كل عام وانتوا بخير؟..... ولا اسرد اعذاري لكل من ارسل لي في غيابي وكل من تفقد حالي؟

ايش رايكم نأجل كل هداا؟ عشان ما يضيع الوقت بالذات للبنات الجدد الي ما يعرفوني والي دخلوا فقط لمشاهدة الموضوع الاساسي .... ونخلي باقي كلامنا في الردود والرسائل الخاصة بيننا... لأنكم بجد وحشتوني وما راح يكفيني لا الوقت ولا الموضوع الواحد عشان اشرح حق كم شهر غياب...

الموضوع ببساطة عبارة عن سؤال:


انت ايش سويتي بحياتك عشان الله؟

السؤال بسيط وقصير لكن وراه خفايا عظيمة انتظر منكم التأمل والتفكر فيها حبايبي

وراح اعطيكم طرف الخيط لا تخافوا:p

ادخل في مثال بسيط جدا جدا ....

ماراح اقول رمضان... عشان اعرف الردود الي راح تجيني محصورة في القيام والصيام والقران والصدقة وهي امور جليلة ما بيختلف عليها اتنين لكن حقول....

العيد... كيف يكون العيد رضى وسعادة بأنه جزء من حياة المسلم؟

ايش راح تعملي في العيد؟

لما تنامي وتصحي كل يوم ايش الي يتغير في حياتك عن اليوم الي قبله؟

مين اكتر شخص بيأثر على نفسيتك... ويبني قناعاتك...ويخطر على بالك في فرحك وحزنك .... مين الشخص الي انت عايشة عشانه وشاغل اغلب وقتك؟ زوجك؟ فارس الاحلام الغيبي؟ حبيب سري؟ بابا ولا ماما؟... فلذة كبدك؟ ميييييييين؟

انت سعيدة... ليش؟

مكتئبة... كمان ليش؟

تجيك اوقات منتي عارفة انت ايش تبغي ... صح؟

عشان كدا لم قرأت سؤالي اتمنيتي تقفلي الصفحة وتفتكي من دي المواضيع المملة...

ما الومك... كنت زيك... بس الامر اختلف....انتظر من ذوات العقول المتاملة والمتفكرة والمشاعر الرقيقة الرد على سؤالي...


انت ايش سويتي في حياتك عشان ربنا.... انت ليش عايشة؟؟


وانا متابعة معاكم عشان ننتقل بمشيئة الله الى تطوير علمي وعملي وفكري ..... بل.... وعاطفي:22: اعرفكم تحبوا دي النقطة ....

أرجوكم لا تخسروا الفرصة بالتجمع هنا ومنا:32:قشة هذه الاسئلة... ولا تحرموني الاستمتاع بنتاج عقولكم ووجدانكم الحي.... الي انا ع:32:ن جد مفتقدته


محبتكم .... موني