كل مظلومة تدخل

رسالتي لكل مطلقة ولكل وحدة عانت القهر والغبنة من اهل زوجها او من اي احد ثاني
انا يابنات عانيت كثير من اهل زوجي وكيدهم لي
كثير مواقف الله لايجعل احد فيها
والله يابنات ماعاملتهم الا بالطيب وهم يقابلوني بالشر
ام زوجي اكثر وحدة اهانتني وعذبتني انا وابني وكانت تشيش ابنها علي على طووول وخطبت له وزوجته هي واخواته بعد ماحرضوه وخلوه يكرهني
وكل هذا وعمر ابني سنتين بس
تخيلو شعور الغبنة والقهر اني اكون قاعدة بغرفتي ابكي وهو رايح الاسواق مع خطيبته ويشتري انواع العطور ويجهز لحفلته
تخيلو شعور اني اكون قاعدة بغرفتي وضرتي قاعدة برا مع ام زوجي واخواته وانواع الحش والضحك وكل ماتشوف ابني تنكد علييه بالكلام القاسي
وتزوجو وعاشو احلى ايامهم وخلفت له وخلته يغير تبوئه ويخليه على اسم ابنها
ولاشعوور ابني يوم كان يطلع من شقتي يركض ل ابوه وذاك يتكدر له ومايعطيه وجه بالمقابل ابنها يلاعبه بالساعات بالحوش
ولا اخوات زوجي لي كانو يركضون فيها وطايرين فيها
وبعدها جات اخته قالت له هذي فلانة للحين هنا لييه طلقها هي وابنها خلاااص
طبعا جاتني حماتي يومها تقولي اطلعي من الشقة ابزوج ابني الصغير فيها
وبعد اهانات وذل قررت اروح ل بيت اهلي وقعدت هناك وهو يذل فيني ويهيني على الواتس اب
واخواني وابوي وعيال عمي ماقصرو فيه لدرجة والله اخوي راح محل شغله ودخل مكتبه مسح بكرامته الارض قدام زملائه كلهم
ماكان يبغى يطلق ابدا وقالت امه ل اختي ب استهزاء مارح نطلقها ولا نرسل ورقتها خليها معلقة وهو نفس الكلام
تم شهور يماطل ومافكر يسأل ب ابنه
ابوي يقوله تعال شوف ابنك وذاك يقول ما ابغى
ولي يجيبه يجيب غيره
وابني للحين يبغاه ويحتاجه وهو كاسر بخاطره بالصدفة لا يسأل فيه
يفكرون نفسهم اقوياء ورفعت عليه قضية وقعد يتحدى هو واهله
وكلمه يومها زوج اختي ضابط كلمه ب اسلوب حلو مانفع معاه
قاله خلاص نشوف كيف بتجي مثل الشاطر وبتهديد واحد جا مثل الكلب للمحكمة من الصباح حتى وجهه ماغسله
وفعلا بعد التهديد طلقني ورسل ورقتي وتخلى عن ابنه ونساه مايجيه الا بالسنة مرة او مرتين وللان ابني كله يقولي ابغى بابا وابوه ولا على باله نساه وذيك خلفت له ونسته ابنه
ويوم يروح ابني لهم مايستقبله بعض الاحيان وحرمته تنكد على ابني بكلااام قاسي لحد ماقطعت هذا الموضوع انا وابوي وزوجة ابوي ماخلينا الولد يروح له ابدا
الان صارلي ثلاث سنين متطلقة منه ولساه على نفس الحال مع ابني كاسر بخاطره ومعيشه القهر والغبنة والذل وابوي واخواني مو مقصرين ابدا مع ابني ولله الحمد وانشالله بينساه لانه مايستحق معنى كلمة اب ابدا
توظفت بروضة اطفال وبراتب حلو جدا وصرت مستقلة بنفسي ماديا ومعنويا وكل هذا بفضل الله ثم اهلي لي هم طلعوني من حالتي النفسية هذي
كونت صداقات مع زميلاتي وحتى امهات الاطفال لي ادرسهم
صار جوالي مايهدأ ابدا مكالمات وواتس اب وقروبات وعزائم كل هذا خلاني انساهم
وملازمة الاستغفار واذكار الصباح والمساء وسورة البقرة والوتر
والااان شايفة نصري بعيوني اقسم بالله يابنات شي ولا بالخيال


هذي اخته الكبيرة هي لي كانت تحرضه علي على طوول
قلبها مليااان حقد وكراهية لي
تكرهني تقولو قاتلة ابوها
يوم لي طلقني قلت لها حسبي الله ونعم الوكيل فيكي
ردت علي ب استهزاء تقولي ادعي كيف ماتبين واذا لك حق اخذيه
(وزوجها تزوج عليها وحدة سورية وسوا لها عرس وسفرها برا المملكة شهر عسل وسكنها بفيلا والان يقولون ان هذي السورية موريتها الكيد ونجوم الظهر ل اخت طليقي لدرجة زوجها هاجر البيت وكله عند السورية وبنتها فصلوها من الجامعة بسبب تدني معدلها وقاعدة بالبيت )
اخته الثانية واكثر من حرض علي وصلت ل سن ٣١ سنة ما احد دق بابها ابدا رغم انها موظفة براتب عالي لدرجة يقولون ان هي تخطب الرجال لنفسها وتنطرد
اللهم لا شماتة
ام زوجي اكيد الحين عرفت قيمتي بعد ما كنتها زوجة ابنها الصغير لي سكنت بدالي موريتها نجوم الظهر وام زوجي حرمة كييرة بالعمر وذيك معذبة فيها عذاب وابنها ساكت
وغير مشاكل طليقي وخساراته وحرمته لي ورتني الويل توفو اخوانها ٢ بحادث سيارة وحالتها حالة
رغم كل هذا انا ماشمتت فيهم والله شاهد علي واني عزيتها بوفاة اخوانها
وزوجة اخوي لي تجيب لي اخبارهم تنجن تقولي يعني ماتشمتين فيهم رغم لي سووه فيكي وانا لي ماسو لي شي شمتانة فيهم وبمصايبهم
وانا بالمقابل الان ب احسن حااال وتقدم لي سيد سيده ورح نتزوج عن قريب وتقبل ابني قبلي
ادعو الله ان يتمم لي زواجي
ورسالتي هذي لكل مظلومة لا تنقهرين ولا على بالك صدقيني الله مارح ينساكي ومارح ينسى كل دمعة قهر نزلت منك والدنيااااا دوارة وكلن بياخذ جزاته