كل وحدة عندها شغالة تدخل ؟ بسألك الله يرضى عليك

هلا بنوتات ... قصدي مدامات ..

السالفة ومافيها اني محتاسة وحالتي حالة ولادتي قربت وعندي اطفالي لسا صغار .. واحتديت اني اجيب شغالة .. كان بنيتي اخذ وحدة من اللي يتنازلون عنهم .. بس ماحصل .. المهم اخذت وحدة اجار على اساس شهرين .. وانا مالي تجارب سابقة مع الخدم في بيتي .. يعني هذي اول وحدة تدخل بيتي ..

بس اللي صار اني تضايقت منها مرررررررررررررة ... يعني احسها على قلبي

انا بيتي صغير ... بس المشكلة الصغار يبي لهم من يراعيهم ... اذا صرت انا بشتغل اخلص وانا مالي نفس .. وياويل اللي يحوس مرة ثانية .. واصير على اعصابي ..يعني يختلف لو عندي احد ينظف لي ..

بس برضو متضايقة منها واشوف تنظيفها زي الزفت .. من قدام شي ومن ورا شي ثاني ..

هذا غير انو انا سألت راعيتها قالت .. حنونة مع الاطفال وبالها طويل عليهم ... وانا اشوفها معاهم عادي .. مو انها ماتبيهم .. بس بعد مو حريصة عليهم وتبيهم .. يعني اذا هذي تبي الاطفال شلون لو تجيني وحدة ماتحب الاطفال من الاساس ... :(

هذا غير الترزز عند الزوج .. وانو هو من الاساس ما ياخذ راحته في البيت .. ولا انا اخذ راحتي في اللبس ... :05:




الحين وش رايكم ؟؟

انا كنت ناوية اقدم على فلبينية او سيريلانكية كبيرة بالسن .. يعني قلت يصير بالها طويل مع الاطفال وبنفس الوقت شغل البيت مو كثير وتقدر تخلص بسرعة وترتاح وقت ماتبي ...

تخيلو الاجار اللي عندي اللحين تنزل على سبع ونص كذا ... ماتجي تسع الا هي خالصة ... ترقا غرفتها ماتنزل الا على الساعة 3 اذا خلصنا غدنا تنظف المطبخ وترقا وعليها الى عقب العشا .... وتنام بدري على تسعة ونص تنظف المطبخ وفوووووق ... بس انا اشوفها اذا قلتلها تسوي شغل زيادة .. او تدقيق بالتنظيف .. تعصب كن لها عشر ساعات تشتغل .... :09:

انا محتارة يابنات .... ساعدوني الله يرضى عليكم ...

اجيب وحدة وارتاح من شغل البيت واتفرغ لزوجي وعيالي ... واصير مروقة معهم طول اليوم .. وحتى لو بطلع مع زوجي مشوار صغير .. او زيارة سريعة ما اشيل هم العيال في البيت .. :27:


او اهون عن التقديم واتوكل على ربي .. واقوم بشغل بيتي ... بس اقصر مع عيالي وزوجي .. واخاف بعد اعجز بدري من العصبية .. وزوجي يزعل من كثر صراخي على العيال ... خصوصا اني عصبية ...:angry:


ارجوكم ارجوكم ساعدوني خاصة اللي لها تجارب مع الشغالات ... ؟؟؟ :26:

الله يرزقكم جنات النعيم يارب