كل وحدة ولدت قيصري تقولنا السبب علشان نفيد ونستفيد

انا كانت بنتي جالسه وتالمني برجولها بحوضى وانتظرت تتعدل بس لمن دخلت التاسع قالت لى ما فيه مويه حواليها تساعدها تلف واضطريت اسوي قيصيري بس طلعت ووحده من رجولها مفكوكه من الحوض والحمدلله تعدلت بعد 4 شهور كنت مرة خايفه عليها والحمدلله كل امورها تمام هالحين
وللاسف حتي حملي هذا انا بادخل الثامن والبيبي جالس الله يسهلها علي ويقلب البيبي واولد طبيعي يارب...

انا كنت بولد طبيعي ومن كثر الالم ماتحملت وفضلت ابكي عشان يولدوني قيصري وولدني الدكتور قيصري والحمد للة

انا خلصت المويه على الجنين وولدت بنص الشهر الثامن

انا ولاداتي في اطفالي الثلاثه طبيعي بس الرابعه كنت على اساس كل شي طبيعي والبيبي تمام ووضعه تمام بس لمى دخلت الثامن قالوا لي انه البيبي مو مفتر بعني ينولد من مقعدته وحالت رحت للدهانه وايد بس ماكوا فايده وقرروا يولدوني قبل وقتي عشان اذا انولد من رجوله راح يتسكر الرحم على رقبته ويختنق بس كل اللي حواليني كانوا خايفين من العمليه وانه اقول لهم احسن وهم رافظين ويقولون لاتصدقين كلام الاطباء وانه البيبي راح يفتر من نفسه حزة الولاده وطبعا هالشي ما صار وتعبت وايد حصل لي الطلق وكان حامي وايد بغيت اولد بالسياره وماوصلت المستشفى الا وانه خلاص موصله حدي 10 سانتي والبيبي نزلت ريوله وللعلم الطريق من البيت للمستشفى كان 10 دقايق بس وطبعا الدكاتره قامو يهاوشون ويصرخون وبسرعه اتصلوا على دكتورتي وجات وعطوني تخدير كامل وسوو لي العمليه والحمد لله البيبي بخير واحلى بنوته والحين صار لي 5شهور والده والى الان احس بخدار مكان العمليه وكانه دبابيس تغزز بعض الاوقات ولمى اهمل نفسي واحمل اشياء ثقيله يطلع قيح من اماكن صغيره جدا نقط ويالم

انا بكري ولدت قيصري لانه بنتي وزنها ماشاء الله كبير واعترضت وقت نزول الراس ..

والحمدالله ولادي الثانيه طبيعيه قبل 9 شهور .. بس اكتشفت انه جرحي القيصري القديم مفتوح من داخل واحتمال الثالث قيصري ..