كل وحده انجحت تربي عيالها تربيه سليمه تقولنا

انا افشل ام على وجه الارض.........عيالي يكرهونن وانا اكرهم وادعي عليهم بالدقيقة
حاولت اتعدل وعجزززززززززززت......انا ادري اني لما اكبر مصيري دار العجزة بس ماقدرت اتغير
انا عصبية جدا جدا.......
ساااااااااااااااااااااعدوني

قصدك اولاد او بنات؟؟
التربية لابد ان تكون تربية اسلامية كما حث عليها نبينا محمدصلى الله علية وسلم
عندي بنات ولله الحمد مؤدبات ..وتربية البنت صعبة جدآ...بحكم أنها حساسة
من البداية كنت حازمة وشديدة ..والضرب لابد منة...في مواقع معينة وبعيد عن الناس
وكان التربية فوق ظهري أنا بحكم انهن صغار,,والاب
من البداية حبيت انة مايتدخل بتربيتي ...أهم شئ أنهم يسمعون
كلامك وتعودينهم يقولون لك {سمي حاضر}...وبعد كذا كل شئ
يهون ....
اللحين كبروا بسم الله عليهن وصاروا مثل الاخوات لي أذا رفضت
شئ يطلبونة لازم ( أبرر) سبب رفضي ونتناقش ونتفاهم حتى أقنعهم
أو يقنعوني ...والحوار لابد منة ...
وأعطيهم الحرية بكل شئ يخصهم اللبس ,الاكل, الدراسة,,,ماأضغط
عليهن أبدآ...اهتم بكل صغيرة وكبيرة تخصهم..الدراسة ..أسال أستفسر..

أشد بعض الاحيان ....وارخي كثير من الاحيان...ولله الحمد أثمرت تربيتي
بنجاح بشهادة الجميع

فية نقطة عانيت كثير منها...بحكم اختلاط بناتي بالاطفال طبعآ الكلام البذئ
واللعن والسب ....من طبعهم ....وانا ماتعودت أسمع هالالفاظ من بناتي
وتغلبت عليها بصعوبة ...وصاروا هم يعلمون الاطفال ان كلامكم مايجوز

انتبهي الام اذا كانت ناوية تربي اطفالها على اشياء هي مقتنعة منها
نصيحتي لاتلتفتين لاي انتقاد او اي تدخل

انا الكثير عارضني وانتقدني لكن بالنهاية ساروا على نهجي بالتربية الصحيحة
والبعض ندمت انها ما سوت مثلي من البداية وهم صغار

لكن لابد من وجود مشكلة او خلل بالنسبة لي الاب يدلل بشكل غير
طبيعي واعاني من هذي المشكلة لدرجة انة يكسر كلمتي قدامهم
وهنا اكبر غلط لكن مابليد حيلة

انا عيالي اكبرهم أبو 15 سنه (تراني جبته وأنا صغيرة)!!!!!!!!!!!لايروح فكركم غلط!!!!!!!!!


يعني ما بعد جنيت الثمار ما أدري تربيتي سليمة ولا لأ؟
لكن حتى هذا الوقت أبشرك الأمور تمام يافندم!!!!!!!!!!!!

وهذا مختصر طريقتي في تربيتهم والله يعينك على القرايه لكنها روعهوأهم شي تدعين الله في كل وقت وأمامهم بالصلاح والهداية والتوفيق:
1)من وهو لسه مولود ما أخليه يصيح بقدر الإمكان .
2)اشيعه حنان ولم وضم حتى يصير 10 سنوات .
3)لالالالالالالالالالايمكن أضربه بأي حال من الأحوال قبل 8سنوات إلا في حالة واحدة فقط
وهي الأمور (الأخلاقية)فقط ولذلك الضرب عندنا له شأن عظيييييييم.
4)عودتهم على السلام علي وعلى أبوهم وتقبيل رؤسنا مع اني ما احب هالحركة لكنها تجعلك قريبة منهم وتتطمنين على ريحتهم بكره (الله يستر من دخان وغيره)وتخليهم يتعلمون تقديرك . وبكره إذا كبرت بتصير هالحركة ذات قيمة كبيرة.
5)أعلمهم على الصلاة من أول يوم مدرسة (لازم يصلون الفجر )وإذا صار عمرهم 10 لازم يصحون للصلاة في وقتها.
6)أعلمهم اني ما أشوفهم إذا عصوني بغيابي لكني ما أحللهم وربي يشوفهم.
7)غالبا اوقف في صفهم ضد أبوهم بدون مايشعرون فهو لا يريد لهم ان يعيشوا زمنهم بل يبقوا على حياته وحياة آباءه .فأحاول أدخلهم معي النت (تحت اشرافي )وكذلك الجوالات الجديدة ..............وغيرها ونظريتي في ذلك (انهم بيسوونها بيسونها فتكون موجهه التوجيه الصحيح أفضل من انهم يطبون فيها بكرة طبة الجوعان على الطعام).
8)أحثهم بشدة على صلة الرحم وخدمة الجميع ولهم علي حق احترامهم عند الجميع فلا ارفع صوتي عليهم عند أحد بل اكتفي بالإشارة إذا ما عجبني الوضع ثم انبههم بيني وبينهم.
9)فيه حاجة مهمه جدا وهي ملء فراغهم بما يفيد كحلقات القرأىن والبرامج الرياضية وغيرها.
10)لم اعودهم ان اتنازل عن حقوقي حتى لا يستمروا ذلك فأعود لأطلبها فلا اجدها!!
11)لا ادع جيوبهم فارغة ولكن انتبه فيما يصرفون المال (أعطيهم بقدر ).
بصراحة تعيت من الكتابة وأخاف ما تفضين تقرين!!!!!
إذا حسيتي انك بتستفيدي من طريقتي علميني أكمل.

دخلت متحمسه مررررررررره ابغى اعرف الأساليب اللطيفه في التعامل
علشان اذا صرت أم ان شاء الله

لكن !!!!!! استوقفني ردك وقرأته اكثر من مره !!! :(

الاعتراف بالذنب فضيله ,,,, لكن ما اعتقد فيه أم تكره أولادها ابداً
يمكن خانك التعبير !!

وليش تدعين عليهم ,,,, قسماً بالله كل ما أتذكر عبد الله با نعمه ودعاء ابوه عليه
ما ادري وش يصير فيني ,,,

طيب ليش ما تدعين لهم بالهدايه والصلاح وتتقربين منهم " طالما ان المسأله فيها دعاء " والا عجزتي منهم وملهم صبرك ؟

أجل من هي الأم ,,,, :icon33: :icon33: :icon33:

واذا ما صبرتي عليهم من اللي يصبر !!
يعني تبررين كرهك او غضبك على اولادك انك عصبيه ؟

يا عزيزتي ,,, اصبري وتحمليهم واحتسبي الاجر وحسن تعاملك معهم يعود عليك
خصوصاً في الكبر ,,,
صراحه ما عندي كلام مرتب !! حزينه والله لأجلك :(

ما ادري وش أقول ,,,, أسأل الله العلي العظيم ان يهدي ابنائك ويصلح شأنهم
ويرزقك برهم وهداهم

هالموضوع رائع..

ياليت الامهات يتحفوننا بتجاربهم......

لي عودة باذن الله..