كل وحده متزوجه او غير متزوجه تدخل وتشارك

مرحبا يا صبايا

اليوم ابي اسئل سؤال وابي اجابه منكم

كيف علاقتك مع اهل زوجك
وانتي يا بنت كيف علاقتك مع زوجة اخوك

الله سبحانه وتعالى قرب الحم بالحم با هالزوج والاولاد ليش القلوب بعيده
انا راح احكي لكم قصتي مع اهل زوجي وزوجات اخواني وراح تشوفون ايش سويت فيهم

انا واعوذ من كلمة انا ...
من يوم يومي ما احب اتدخل باحد ولا احد يتدخل فيني زوجات اخواني يروحون ولا يجون ولا يسافرون انا مالي خص لاني حسيت براحه نفسيه لي ولهم الي كنت اسويه ارفع السماعه بالعيد او رمضان او مناسبه سعيده ابارك او اواسيهم اذا فيه مرض او وفات احد من اهلهم وما تتخيلون كيف كانو يحبوني لاني انا الاخت الوحيده لخواني وما ابي اخسرهم ولا اخسر اولادهم وبناتهم مهما كان هذولي لحمي ودمي والله لما تزوجت بكو علي لو عندي خوات يمكن مابكو كثرهم (( يبون الفكه بكومن الوناسه اني انقلعت ههههههههههه))

لما تزوجت انتهجت نفس المنهج بس ام زوجي ما عجبها الوضع بحكم انها كبيره وعودتها زوجت ولدها الكبير بانها ما تروح حتى زوارت اهلها الا لما تستاذن منها و تقول مديرتها بالدوام ولو قالت لا مافيه اجلست كانت ملغيه شخصيت الزوج انا ما احب كذا في البدايه تعبت وكثرت المشاكل بيني وبين زوجي بسببها لدرجت انها مره قالتها بصريح العباره له اذا تقدر تنومها بكف وتصحيها بكف ولا تشتري لها ولا شي يكون افضل بينما بناتها لا يا حلالي اشترو ورحو تمشو وسافرو ليه تجلسون زهق وكنت اشوفها انقهر في نفسي بس ساكته مرت الايام وهي تكرهني وتحسدني على كل كبيره وصغيره مع اني بسن بناتها بس هي كانت جالسه لي جلسه وتناحسني تقولون انا وياها مولودين بليله وحده بعدين عرفت انه بناتها الي يحرضونها علي وقدامي هم الملاك ولا عجوزما تعرف شي ايش يعرفها انه شنطتي شانيل قيمتها 6000 ولا جزمتي فندي ب 1600 اجل بنتها الي اصغر مني بسنه ما تزوجت كانت في الاسبوع تروح مرتين لسوق وتشتري ولا تطلع ولا تستقبل احد بس تكود في الدولاب تقول ما اشتري تقولها ايوالله انتي ما تشترين ههههههه واذا شرت جزمه الله يعزكم با 350 عادي بس انا اذا قلت لقيت خصومات واخذتها ب 60 اجلست تولول وتقول مهبوله ماترحمين اولدي مع اني موظفه وماني بحاجة لولدها ومره وداني للبحرين وعصبت عليه وسكرت في وجهه السماعه ولما جا لمها قالت انقلع انت منت صاحي تمشيها وتشتري لها قالها اكيد زوجتي اذا ما وديتها من يوديها ومن يشتري لها ؟؟؟؟؟
والله يا بنات كانت تعايرني اني تزوجة وعمري 27 ونتي عانس والان بنتها 30 سنه محد طق بابها
وفي يوم قررت اوقفها عند حدها بعد ما تفاهمت انا وزوجي لانه كثرت الخلافات بيني وبينه وفعلان جلس لهم زوجي كل ما يدخل يحاسبهم على روحتهم وجيتهم ويهاوش وماله داعي وجننهم وحرمهم من اشيئ كثيره لما خلاص فاض فيها قالت مالك دخل فيني انا وبناتي قال طيب وانتي مالك دخل فيني انا وزوجتي لا تحاسبيني على مشترواتها ولا سفرها ولا طلعاتها ولا جياتها انتم في حالكم وانا في حالي قالت طيب ومن يومها وانا وياهم سمن على عسل وزي ما يقول المثل صباح الخير يا جاري انته في دارك وانا في داري
بينما زوجت ولدهم الثانيه دايم بهواش معهم يوم راضين وعشره متهاوشين لين صارت حياتهم جحيم وكريهه و اولادهم مشتتين بين امهم وجدتهم وعماتهم والزوج ضايع ما يدري من يرضي
فيا بنات الي متزوجات والي تحت نصيبهم انصحكم لوجه الله خلو علاقتكم على الرسمي مع اهل زوجكم او زوجات اخونكم لانه اذا طيحتو الميانه بتشوفون المشاكل تكثر تكبر ولحد يقولي لا بالعكس
انا ما اقول اقطعو بعض لا بالعكس حرام
الا اوصلوهم وزوروهم بس خلوها رسمي كيف؟؟؟؟
انا اقول لكم كيف ما فيه سوق مع بعض الحريم يغارون من بعض حتى لو شريتي من ابو اريالين روحي مع زوجك ولا مع امك وخواتك اذا رحتي مع اهل زوجك بتفتحين عيونهم عليكوعلى مصروفك واذا رحتيمع زوجة اخوك بتخلينها كل ما رفض اخوك يشتري لها شي قلت شف خواتك وانا لا والواحد في غنئ.

مطاعم ماله داعي بكره اي مشكل تحصل قالو منك ولا مني ولا انا ما اروح مطاعم امرتك اليخربتنا ولا انا في بيت اهلي ما اروح بس خواتك مرجوني .

لحد يشوف لبسك الا عليك لانه لو شافوه قبل ولا سمعو عنه بيسوونه قبلك حتى لو مو عاجبهم بس نحاسه واهم شي اسرارك لحد يدري عنها مشاكلك مع اخوهم بينك وينه
و مشاكلكم مع اقاربكم لاتدري عنها زوجة الاخ .

انا طولت عليكم بس حبيت اعرف تجاربكم بالموضوع سواء كنتي زوجة اخ او خت الزوج من باب الفائده مومن باب نشر الغسيل


ودمتم