كما قال بقنه

السلام عليكم ورحمة الله

الموضوع باين تذكرون اليتوبوب الي سوو فيه لقاء بقنه مع حي الجراديه وكيف الفقر واضح

ثم اقترح ***** شبكه تضم الغني بالفقير
بصراحه ما اعرف اسووي لا شبكه ولاهم يحزنون
لكن قلبي قارصني كيف نعدل ونزين ببيوتنا ونجدد والفقراء مايلقون شي لهم يالله وش نقول لربي اذا سألنا استطعمتك فلم تطعمني هالفقراء يبون اي شي
ليش مانكون خير امه اخرجت للناس صح ونتعاون على الخير

انا اقولكم طريقه وياليت تتفاعلون و احتسبو انه اعانه وفك كربه

كل وحده تكتب ايش الشي الي تقدر تتبرع فيه وتذكر الحاله جيده او لا وباي مدينه وايش يعيقها وان كان عند احد ثاني حل للعائق نتعاون ونوصل للفقراء
الجمعيات الخيريه الملابس مايودوونها للفقراء يبعونها بسعر زهيد على المصانع الي تعيد تدويرها ويحطون فلوسها للفقراء حنى نبي كل شي يوصل لهم عيني مادي

يعني كمثال
انا عندي دولاب ملابس كبييييييييييييير وعملي وملون ودي اتبرع فيه لان ودي اشتري غرفه كامله لعيالي عندي سرير اطفال دورين من ايكيا عندي سرير نفرين بتسريحته مع الكمدينات عندي ملابس بناتي وولادي اطفال وخلاط يبي له تصلح بسسسسيط لايذكر كل هذي ودي اتبررع فيها لكن العائق عندي وسيلة النقل زوجي دوامه كله سفر سواق ما عندي يعني ودي احد يجي ياخذها للفقراء اعطيه حق الفك والنقل لكن يوصلها لمحتاجين صح
مكاني بالرياض

يااهل الخير هدفنا سد حاجه المحتاجين يعني الي عندها حل للعائق حقي اكون لها شاكره وياليت كل وحده تدخل تكتب ماتجود به نفسها وباي مكان يمكن احد محتاج يدخل وتفكون عنه ازمه وتتواصلون معه
اهم شي اخلاص النيه في كل عمل

وبالمناسبه كنت اودي بعض اغراضي لاهل حاير طبعا ناس بيوتهم من دون سقف بدون ابواب اولادهم في الشوارع حفاه يعني فقر بمعنى الكلمه وكنا نتصل على امامهم نرتب معه متى نجي ويقابلنا وياخذ الاغراض وهو يتولى توزيعها منعا للاحراج وحتى حنى لا يجينا شي لانهم يطبون مرررره ويصير هجوم قوي الي تبي رقم الامام على الخاص وترسل تبرعاتها للحاير
نبي نسوي حمله معا للقضاء على مد اليد
وياااااااارب لا تحوجنا لاحد من خلقك كائن من كان