كم طفل تتمني يكون عندك

السؤال دا ما جاني من فراغالمسأله ومافيها اني انا من عيله تموت على الاطفال لكن مره ما نحب العدد الكبير مخن الاطفال يعني اذا شفنا بيبي صغير ننهبل عليه انا واخواتي لكن اذا فكرنا اننا نخلف نتردد كثير يمكن لا ننا كثير قلقين على اطفالنا فعشان كده ما نحب الخلفه الكثير لحد هنا مافي مشكله ....لكن المشكله انك احيانا تشوفي ناس ماادري من فين جايبين الصحه والوقت لتربيه جيش من الاطفال وطبعا دي النوعيه هي الي ما تتركك في حالها والي فاقع مرارتي امس قابلتني وحده تسأل عن اختي الكبيره هي ماشاء الله تزوجت وهي صغيره وجابت بنتين وولدين اصغر شي عندها في المتوسط والحمد لله هي عامله وما تقدر تخلف اكثر من كده فالملقوفه الي شفتها امس تقول ايش فيها اختك ليه ما تخلف الي قدها لسه بيجيبوا وووووو قلت اختي مافيها الا العافيه بعدين خلاص الحمد لله جابت الي مالين حياتها ووووو اشتدت النقاش الين فقع مرارتي وحبيت اسولف معاكم كم طفل تتمني يكون عندك وعارفه في الاخير كله بمشيئة الله عشان لحد يتفلسف بس انتي كم تتمني