السلام عليكم
خواتي في بالي كم فكره لكم شغله مهمه بنفاس
وحابه اقولكم عليها ولي عندها افضل تقولنا او تفيدنا بفكار من عندها بأمور ثانيه
انا في بالي عدة امور شاغلتني بنفاسي
*اولاً التروش
*ثانيا الكبو
*واخيراً رباط البطن
داااايماً افكر كيف ازبطهم وجت في بالي افكار
بنسبه لتروش اكيد بيكون جلاسي يعني على كرسي بنقعد"كرسي الحديقه الأبيض افضل شي"
بس كيف والجرح يقعد يخمر بالماء! والكرسي يوجع لا قعدنا عليه فكيف وفيه جرح!
ففكرت اني اقصلي اسفنجه على قد مقعدة الكرسي بالزبط(يعني نسوي لنا وحده زي اسفنجة البيبي حقت الشور عرفتوها؟)
منها تكون اسناد واريح للجلوس ..وتكون بمثابة كوتكس"حفاظه"الله يكرم القارين يعني نزل شي ماشيات اثناء الشور لين الاسفنجه تحتك تمتص
وبكذا ماراح يتجمع الماء تحتك وبتبقى المنطقه جافه قدر الأمكان لأنك بثقلك بتكونين ثقل ضاغط على الأسنفج والكرسي فيه فتحات راح يرشح منه الماء اصلن يعني الأسفنج بيسحب عنك الماء
يعني بكذا بنضرب كم عصفور بحجر واحد راحه ونظافه وامان عن الماء والرطرطه عن "بنت الحلال":p
وطبعاً يكون الشور بماء داااااافي وتصكين رجولس ورفعيها شوي بكرسي صغير (الي بدون ظهر )عشان تعرفين تتنظفين جسمك و لا تضطرين تنحنين ويوجعك ظهرك ..موناقصين وجع ظهر..
ولا تقعدين تحت الدش بالزبط لاا تقدمي عنه شوي بحيث ان الماء يضرب على طرف راسك ولا ان حبيتي جبيلك طشت ومليه ماء وبالغضاره مثل الأولين صبي على عمرك
ملاحظه: اذا الكرسي مايجي بالمغطس تروشي بحمام مافيه مغطس ..
نجي للكبو ..هذا عاد عذابي ان قربت منها حرقني وان بعدت احسني ماستفدت شي منه هذا غير التعب وانا شبه جالسه فوقه
طبعا فيه ناس تبيع كراسي خاصه للكبو بس صراحه ماحبيتها ازبط وضعي بالتواليت الحمام افضل
المهم تجبين لس قدر حجمه يناسب ينحط بالتواليت وعميق بعض الشي
وخليه قدر لطبخ الغسول لنك ماراح تستسيغين تطبخين فيه اكل اكيد
المهم تحطين بسفله شوية رمل وتنزلينه التواليت وتجبين صحن التبخير وتحطينه فيه وتجلسين فيه براحتك وتغطين نفسك بفوطه كبيره وكنك تقضين حاجتك ربع ساعه ولينك خالصه
واخر شي رباط البطن..انا شريت الأندنوسي اطول شي وتقول شغالتي اعقديه كم عقده وانتي تلفينه بس عاد كيف ابمرح وهالعقد فيني ففكرت بـ شناكير التجبير الطبيه الي يحطونها يمسك لفة الشاش المطاطي الطبي عرفتوها؟
لن خامة الرباط الأندنوسي تشابه لحد كبير الشاش الطبي المطاطي..فقلت يمكن ينفع يمسكلي الرباط بشكل اقوى ولا يرتخي مثل العقد ..ولا ادري هي تزبط معي ولالاا
افكاري مجرد افكار لحد الأن مابعد طبقتها بس حبيت اشاركم بفكاري وتبادلوني بفكاركم ان كان عندكم افضل
وشرايكم ..حلوه هالأفكار ولا لا عاد افكر ابد :biggrin:
وتكفون الي ودها تدعيلي تدعيلي بالغييييييب ان الله يهون علي ويفرح نظرتي بالولد المعافى:redface:
الله يهون علينا ويظهرنا من شر النفاس بخير وصحه
سلام..:26:
DAINH 2007 @dainh_2007
محررة
يلزم عليك تسجيل الدخول أولًا لكتابة تعليق.
فراشه ابيض وأسود
•
حلوه الله يقومك بالسلامه
انا صراحه اربط بالاشمغة والكبو ما اسويه واتروش وانا واقفه عاديانا صراحه اربط بالاشمغة والكبو ما اسويه واتروش وانا واقفه عادي
بعد الولاده ..بالايام الأولى وانتي واقفه..ماشاء الله عليك
الصفحة الأخيرة