كنت اسال نفسي كثير ليه طلقني .. واخيرا عرفت ..

انا من قبل كتبت مشكلتي مع طليقي وانه يبي يطلقني .. والله ابي افضفض بمووووت قهر بس باذن الله ربي يأخذ لي حقي منه ...
تزوجت وجلست سنه و3 شهور ....... طليقي .. ما أتوقع فيه مثله اثنين .. صح الحمدلله الحمدلله الحمدلله ربي خلصني منه ويشهد الله اني مو متحسفه عليه وان حتى دموعي احس تنحبس بعيوني لانها غاليه وهو رخيص مايستاهل .. بس مقهوووووورة .. كنت مهمشه بحياته وكنت صابره .. عياله بنت وولد تحملتهم وانا صابره وساكته ..حتى بغرفتي غرفة النوم ما كنت اخذ راحتي .. وع كذا كنت صابره ..اكتشفته يخوني مع طليقته يراسلها ويكلمها ويصحى باخر الليل علشان يكلمها او ينام بدري علشان يتواصل معاها ... اااااه يا ربي .. وواجهته وسالته ليه وليه تزوجتني وانت تبيها كان ينكر ويكذب .. انسان مخادع ماكر وكنت صابره .. حرمني من الحمل .. وكنت اذا كنت مع عياله يقول بعدي انتي ما جربتي إحساس الامومه .. جعل ربي يحرمك منهم مثل ما حرمتني .. كنت يا اسكت يا أتكلم يا ابكي ويجي يراضيني ويقول ما اقصد ووووو واتحمل واطنش .. حاولت احممممل وكان رافض بحجة انه يبي الراحه وانا أصلا ماذقت الراحه مع عياله لكن حسبي الله ونعم الوكيل .. عدت الأيام وصار ينام لحاله .. وياخذ عياله معه .. صار روتين حياتي معه قااااتل بالنسبه لي بس كنت صابره .. كان يا نوم يا مع عياله يا مع زملائه يا مع اهله .. الوقت الي اشوفه وقت الغداء وبس .. حتى لو طلعت معاه كاني اطلع مع نفسي .. وكنت اتحمل لان لو تكلمت يمن علي ويقول انا وانا ماقصرت معك مطاعم تماشي سفر وووووووووو يكرهني بنفسي بس كنت صابره .. مرة صارت بينا مشكلة وحجزت لاهلي رحله بكل برود وفرح قال طيب خلاص .. وقتها عرفت انه نذل وحقير يبي يطفشني ويقهرني بطلت اسافر .. هو بالفعل نجح في الشيء هذا بس ما وصل للي يبغاه ..
تدرون ليه كنت صابرة علشان كان عندي مؤخر قرابة 80 الف ويبيني اطلب الطلاق .. بالاخير عطاني وطلقني حسبي الله عليه ونعم الوكيل .. .. طفشني وعذبني وقهرني وحرمني من حقوقي بالفراش حرمني من الحمل حسبي الله عليه خلى عياله يسبوني يهينوني يتكلمون علي وهو ساكت .خانني خدعني كذب علي .. .. وهو يبي يطلقني بس ما كان لاقي له سبب .. حسبي الله ونعم الوكيل ..
بالاخير صار عيني عينك يراسلها ويكلمها .. صارحته قلت ليه تسوي كذا .. انت تبي ترجعها قال ايوا .. وبعدها بدات العانه والخباثه .. بالبداية وافقت وقلت ابي لي بيت غير البيت هذا رفض قلت ترجعها رجعها بس غير هذا البيت قال لا .. بعدها صار يرمي علي كلام ويقول انا لحرمه وحده بس .. والأولى منك ام اولادي .. قلت وانا قال انتي لمي اغراضك ما عاد ابغاك تنفرت منك ماعاد ابغى وجودك بحياتي .. وقتهها انهرت تعبت حسبي الله ونعم الوكيل .. فقال اكيد بينا شيئ ورحنا لمشايخ وصرنا نرقي انفسنا ... انا كنت متاكدة ان ما بينا شيئ .. بس طليقته شرطت رجعتها له بطلاقي .. وبالفعل عشت فترة بعذااااب وقهر وبعدها وداني لاهلي وكذب على ابوي وقال جبت البنت هنا علشان نتعالج وبعدها ارجعها .. جلست أسبوعين وبرساله اخر الليل طلقني من دون مقدمات من دون سبب من دون مشكله او شيء فجاة افتح جوالي والاقي رساله له بالطلاق .. حسبي الله عليه ونعم الوكيل ...
صح بديت أتأقالم واعيش حياتي لي 5 شهور من طلاقي .. وجاء ببالي قبل امس ادخل رقم طليقته بالواتس وادخل على حالتها والاقيها حاطه حاله انها رجعت ورجع لها ... وربي اني بغيت اموووووت قهر .. كنت لعبه كنت تاديب لطليقته .. ولما ادبها وحس انها تادبت وشبع مني واكتفى طلقني علشان يرجعها ... وهو يكذب ع الناس ويقول بينا سحر والا عين فرقتنا .. وهو مابينا الا العافية .. بس تمثيليه مثلها للناس علشان ياخذه سبب ويرجع طليقته .. طيب انا وش ذنبي تزوجتني وحرمتني وطفشتني وبالاخير طلقتني .. حسبي الله عليه حسبي الله ..
احس القهررررررر بقلبي .. حتى هي انساااااانه ماعندها كرامه ولا اخلاق .. بس علشان انها عارفه رح اشوف حالتها حاطتها احقر من كذا مافيه .. ...... ااااااااه حسبي الله عليهم ......
صح انا قطعت علاقتي فيهم وغيرت رقمي وأحيانا افكر ارسل له دعووووااي من قلبي وارجع أقول قلعته بحريقه ادعي بالليل وربي كريم أحيانا أقول أوصل لامه لان لها يد بالي صار لي بس ارجع أقول انا مستواي ارفع من اني ابين لهم قهررررررررري ...... وربي اني اكتب وانا ابكي قهررررررر حسبي الله ونعم الوكيل الله لا يوفقهم ويحرمه من عياله مثل ماحرمني ...اااااه يا ربي بس .. انا اللحين مظلومه مايخاف من دعواتي عليه .. ما يحس بتانيب الضمير .. مايحس انه بنى سعادته على تعاستي .. ما فكر وخاف ربي في الي سواه فيني ... حسبي الله ونعم الوكيل وبس ..
وربي بس ابي افضفض واطلع شيء بقلبي .. الله يصبرني ويربط على قلبي ويعوضني باحسن وافضل واجمل واخير واحلا منه يارب ... الله ينصرني يارب ... معقوله في بشر بالشكل هذا تستغل قلوب ومشاعر الاخرين وتلعب فيها .. ؟؟؟؟ الحمدلله على كل حال ..