كنت اقول حرام عليكم مظلومات بس الحين شفت بعيني وحسيت/ خرج عن أدب الحوار

طبعا العنوان غريب شوي وماتدرون عن مين اتكلم 
انا كنت دايم اسمع منكم دووم تتميلح على زوجي تغازل زوجي تطالع زوجي بس كنت اقول ذا الحريم نفسيات والله دايم اطلع مع ابو الشباب ماعمري شفت العينه هذي دايم اتعامل مع بائعات قمة بالادب والاخلاق ودايم اللي بالاستقبال بالمستشفيات برضو كذا دوبهم دوب نفسهم
بس انا اللي اليوم تعاملت معها بالسوق تعدت حدود التميلح ولم تكتفي بالتميلح على ابو الشباب لا وكمان تحاول تقلل من شأني عنده وترمي حكي طالع نازل 
وهذا الشي اللي خلاني انغث منها ومن زوجي 
بقولكم السالفه 
انا من النوع اللي مااحب اطلع مع زوجي الاسواق احب دايم اكون الوحدي عشان اخذ راحتي بالتسوق 
بس هاالمره اصر ابو الشباب ينزل معي ونزل ورحنا محل عبايات 
ومن دخلت محل العبايات وكان الموجود بائعات ووحده  ماغير تتميلح وتكلم خويتها وتقول اذا دخل رجال المحل انا معروف عني اسوي دسكاون وبرضو اذا بيرجع بضاعه ماحب اجادل بصوت عالي ومسموع طبعا انا متجاهلتها ولا كأنها موجوده اعجبتني عباية وقلتلها هذي العبايه كويسه بس قالت اكيد تبينها طيب استخيري ترى عندنا سجادة وخويتها تضحك  قاطعتها وقلت بس يبيلها تثبيت الزراير مو مخيوطة كويس قالت انتي ثبتيها ولا حتى هذي ماتقدرون عليها 
الى هنا وانا ساكته قلت وابي عباة كتف واسعه وطلعتها لي ولبستها قالت يع ماتنفع للطوال تخلي اشكالهم غلط والخبل اللي هو زوجي معطيها جوها ويضحك على كلامها واختنا في الله مصدقه نفسها 
عطيتها العباة وقلت خلاص مابي شي شكرا 
وهي بكل برود جالسه وماحركت ساكن
طبعا بعد ماطلعت عطيت زوجي درس محترم 
بس بجد يااخواتي ليش كذا والله عيب اقسم بالله ××××××××
يمنع تحديد الجنسيات
مخالف .. تم الحذف
الاشراف
اطلق علي من وحده تبيع ونفسها بخشمها وكمان عندها نقص وتطلع حرتها بزباينها
والله اعجبتني عبايتين وكنت بشتريهاوبسبب تصرفاتها كرهت المحل كله