السلام عليكم ورحمه الله وبركاته
صديقاتي واخواتي في عالمي الحبيب اليوم راح اكتب لكم بعض تجاربي الشخصيه اللي استفدت منها ولا اريد منكم الا دعوه بظهر الغيب
قشر الرمـــــان
من تجربتي الشخصيه استخدمت قشر الرمان لعلاج جرثومة المعده
طريقة الاستخدام يوخذ مقدار نصف ملعقه صغيره قشر رمان مع نصف كوب ماء مغلي صباحا على الريق لمدة اربعين يوماً
لاحظت النتيجه من رابع يوم واستمريت اربعين يوم لان علاج المستشفيات لم يفيدني كان مجرد مهدئ فقط وبعد ترك العلاج ترجع الاعراض من جديد
يفضل انت اللي تجففين القشر ومن ثم تطحنينه لا تاخذي الجاهز
المسحه الطبيـــــــه
استخداماتها كثير بس اعجبتني في شغلتين وهي
ازالة آثار الحبر من يدين الاطفال
وتنظيف التليفون
ــــــــــــــــــــــــــــــــــــــــــ
القصــــدير
له استخدمات كثير ولكن هالاستخدام ينفع كثير ومريح وسهل
وهو عند عمل الفطائر غلفي صينية الفرن الاساسيه بالقصدير ثم ادهني القصدير بالزيت ورشيه بشوية دقيق واخذي راحتك واعملي الكميه اللي تبين ولا تتقيدي بصينيه معينه وحجم معين وكميه معينه
ــــــــــــــــــــــــــــــــــــــــــــ
صابون الوزير
هذا افضل صابون لغسيل ملابس المواليد ومن لديهم حساسيه بالصدر او ربو
ــــــــــــــــــــــــــــــــــــ
السكينول
استخداماته كثير واعجبني بشغله يمكن فيه منكم اللي يعرفها واللي ما يعرفها راح اقوله
يستخدم في ازالة الحناء من اليد
او اذا لخبطت عليك نقشة الحناء ممكن تزيلي اللي ما تبينه بالسكينول
هذا اللي قدرت عليه اليوم وان شاء الله لي رجعه لاضافه تجارب اخرى
واتمنى من الاخوات اضافة تجاربهم الشخصيه
وياليت المشرفات يثبتون الموضوع للفائده