Elmyra @elmyra
عضوة فعالة
كيف اتجاوز حزني عليها؟
السلام عليكم ورحمه الله وبركاته
بنات احس اني مريت بحزن اليتم قبل لافقد امي وابوي..
الله يطول باعمارهم على طاعته ويخليهم لي..
قبل ثلاث شهور.. توفت زوجة عمي في حادث سيارة..
هي وامي متقاربين حيل وعاشوا ف بيت واحد فوق العشرين سنه..
احسهم متشابهات من ناحيه حنانهم علي عيالهم..
لدرجه اشوفها امي الثانية..اغليها حيل وهذا شي شايع بما انها حرمه عمي..
كانت حنوونة وماعمري شفت منها شي يضايق حتى وانا صغيرة..
اما بناتها الثنتين.. فهم صديقاتي ومثل خواتي واكثر..
عموما فترة العزاء عمها حزن وبكاء..
وهذا شي طبيعي,,
بس لاحظت اني ماصرت اتحمل شي يذكرني بالأم..
مع ان امي حيه فديتها!
::*.*::
قبل..
يوم امر على توقيع وحده من البنات وكاتبه ادعيه لامها وانها مشتاقة لها وماعرف شو..
تدمع عيوني احيان واحزن..
بس من عقب عمتي ماصرت اتحمممممل شي :44:
صرت اصيح على كل شي..
اذا مرت علي انشوده عن الام مثل ضحكه زماني او غيرها..
احس بخنقه واصيح..
مااااااقدر امسك نفسي..
اتخيلها على لسان بنات عمي ..
والله الحين اكتب الموضوع وعيوني تدمع..
اكثر عن مره ف السيارة يحطون اناشيد عن الام على الاذاعه..
وتبدا دموعي تنزل..والمووووت اذا حد معاي!
احاول اخفي دموعي من تحت الغشوة :44:
تخنقني العبره..وتعوووور
اتمنى لحظتها اني ف غرفتي عشان اصيييييح لين ارتاح..
والله اني ماادور الهم..
وسبق اني فقدت نااس غالين على قلبي وحزنت على فراقهم..
بس هي غير..
بعد ماصيح اقول لنفسي..
ليش ماتمتع بحياتي دام امي موجوده ف دنيتي..
ليش ماسمع الاناشيد وابتسم..
المفروض اتدارك وقتي مع امي..
وهذا اللي اسويه..اضمها ف اليوم اكثر عن مره.. واطوول بضمتي :(
بس كل ماتضمني اتذكر ان حرمة عمي مب عند بناتها تضمهم مثل ماضمتني امي وتخنقني العبره..
:44:
ماعرف اذا حد ف بيتنا لاحظ علي هالشي.. اتمنى لا.. لاني مابي اشكي لهم..
خواتي..
كيف اتخلص من الحزن اللي ف قلبي..
شلون اصير اقوى؟
ياترى بيجي وقت اسمع الاناشيد او اقرا ابيات عن الام ولاتصيحني؟
:(
اختكم,
ألميرا
ارجوكم,
ادعوا لها بالرحمه والمغفرة:
يارب ارحمها واغفرلها..
رب ان كانت محسنةً فزدها احسانا وان كانت مسيئةً فتجاوز عنها..
رب اجعل قبرها روضة من رياض الجنه ولاتجعله حفرة من حفر النار..
رب اللهم ابنائها وبناتها الصبر والسلوان..وثبتهم على صراطك المستقيم..
وصلي اللهم وسلم على سيدنا محمد واله وصحبه اجمعين
:26:
3
939
يلزم عليك تسجيل الدخول أولًا لكتابة تعليق.
المشتاقه لامها
•
الله يهديك بس الوالده موجوده وتحزين لا يا اختي تكفين اهتمي بلوالده واستغلي وجوده وافرحي وانبسطي معه انصحك انصحك من اختك ذاقت الحرمان من الام ومرت عمك الله يرحمه ويغفر الله يارب لكن انتي الوالده خليك معه دايم يارب يوفقك ويسعدك اختك المشتاقه المنصحه
الله يرحمها ويغفرلها واذا تحبينها لاتبكين عليها لانها تتعذب بالبكاءولحسيتي انك بتبكين ادعيلها ودائما تصدقي عنها هذا دليل الحب مو البكي
مشاعل نت
•
انا تجيني هالحالة وبقوه لما اسمع قصة وفاة لشخص ما وتكون مؤثرة اتخيلها في احد من العيلة واعيش الدور غصب عني مدري ليش !!!
الصفحة الأخيرة