كيف اتصرف !!!

مرحبا بنات حواء الجميلات والله يجعلنا وياكن من عتقائه بهالشهر الكريم ..

ابي آرائكم وحكمتكم في اللي حصل لي وشو ممكن اسوي .. قبل فتره حول ٨ اشهر خطبني واحد مافيه عيب ماشاء الله عليه ورفضته على عماي كنت مشغوله مرره وقتها ونفسيتي زفت وموقادره افكر ومالي خلق اصلا وقتها عندي مشاكل كثيره مسيطره على تفكيري وجات خطبته اول هو راسلني بالجوال ورفضته وقلت له طريقتك غلط مدري هو من وين جايب رقمي بس اكيد من هالبرامج اللي تطلع الارقام ماعاد فيه شئ صعب وقفلت الموضوع بكل جديه ماعندي حركات لف ودوران كلمه ورد غطاهامعاه حتى هو كان جاد مره ومحترم .. وبعدها ارسل عن طريق الحريم وانه متمسك فيني مرره ورفضته لاسباب خاصه فيني مو فيه وصرح لاهله انه ماراح ييأس مني الا اذا تزوجت هذا كلامهم ،،
المهم بداية رمضان قام هذا الشخص ارسل لي تهنئه برمضان على الواتس وكاتب اسمه اخر الرساله انصدمت كثير وش حقه يرسل لي والرساله كانت عاديه مره دعاء تجاهلته وماسويت له حضر .. من بعدها انا صرت بس افكر فيه واتذكر الاشياء الكويسه عنده وقد ايش راح يضيف لحياتي واني كنت غبيه يوم رفضته وتقدرون تقولون ندمت على قراري رفضه ..


وانا الحين مايله له وافكر لو رجع وتقدم بوافق وانا مغمضه دامه متمسك فيني برغم رفضي له بالبدايه

الحين انا افكر وشلون اتصرف اذا رجع يرسل مره ثانيه ؟!!!!! اسوي له حظر ولا ارد عليه ان هالشئ ماله داعي اللي تراضاه لاهلك ارضاه لبنات الناس وانا عارفه ان نيته مو لعب ولا ايش اقوله مررررره محتاره وافكر كثير بردي عليه في حالة لو ارسل

الله يسعدكم افيدوني وشلون اتصرف بطريقة لبقه ومحترمه وماتخليه يرسل مره ثانيه من غير مااحتاج للحظر احس لو حضرته بيقول هذي كارهتني ماتبيني واخاف يطير ولاتقولون احتمال مايرسل انا ابي اعرف وشلون اتصرف معه اذا رجع ارسل وجزاكم الله خير ..


ملاحظه
جا ببالي اقوله من اراد التواصل يدق الباب مو يقعد يرسل بس حسيتها قوية اني زي اللي اطلبه يرجع يخطبني وانا كل شئ عندي الا كرامتي مااتنازل ههههههههه