كيف اتصرف مع زوجي

كيفكم بنات اخباركم وش مسويين متباركين بالعيد مقدما
اليوم جايتكم ابي نصيحتكم ومشورتكم وخاصه المتزوجين الي عندهم زوج مثل زوجي انا مشكلتي تعتبر بسيطه بس انا اتحسس منها كثير انا زوجي الحمدلله حالته الماديه تعتبر حلوة راتبه 17 الف ريال وعنده 3 محلات ماجرهم ويطلع منهم شهريا 4500 هذا غير العمال الي باسمه وياخذ علي العامل 500 ريال شهريا وعنده ممكن 6 او 7 عمال يعني الحمدلله الحال عال العال
انا مصروفي 1000 ريال لكن من هالمصروف كلللللللللل شي لبسي والاشياء الي من الصيدليه وعيالي صغار مايعطيني لهم مصروف يعني كل مره يروحون البقاله او اي مكان اعطيهم من عندي وحتي لو صار مناسبه زواج او شي يقول لي دبري نفسك من مصروفك عاد انا اجمع قبلها بفتره او ابيع قطعه ذهب وحتي لو اخذ لي جوال او اي شي بفلوسه يخصمهم بالتقسيط من مصروفي وانا والله العظيم قايمه فيه وبواجباته وبعياله لو اني مقصره بسكت وبنطم لكن انا شايلته علي كفوف الراحه ولما اطلبه اي شي حتي لو شي بسيط ب500 يقول لي بعدين واذا اخذه يخصمه من المصروف بخلان علي كثيييييير مع انه يشتري سيارات وكاله وجواله اخر موديل ومره رايحه معاه المجمع والله متقضي له بنطلون لوحده ب1850 وبلوزتين قيمه الوحده حدود 400 واذا قلت له نفسي بجوال او شي قال خلك من المظاهر والحريم ولا تناظرين احد نفسي بشغلات كثيره بس هو ماياخذ لي مع انه الله عاطيه وش اسوي عشان يغير طبعه خواتي الله يهنيهم يارب ويزيدهم رجالهم مدلعينهم مع انه رواتبهم بسيطه مره اخر مره اختي زوجها شاري لها طقم ب7000 وانا اقول لزوجي ابي اسورة عجبتني قيمتها 850 صار لي 3 شهور وممكن انباعت قال مافي تبين اخصمها من عندك وربي تعبت افكر اغير اسلوب الدلع معاه من اليوم ورايح بعامله عادي وعياله بقول له عطيهم مصروف يومي وربي متضايقه ومو عارفه وش اسوي ياريت تدلوني من جد حاسه نفسي ناقصه واقل من غيري بكثير حتي لبسي اقل من عادي والسبب مااشتري بلايز محترمه او عدله الا بالسنه مره وباقي ملابسي من اسواق شعبيه عشان تكون رخيصه ولبستين 3 وتخرب ياريت تساعدوني

وشكرا لصاحبه المعرف الله يجعلها بميزان حسناتك ويرزكق ربي بالذريه الصالحه يارب