كيف اتعامل مع الاشكال هذه؟

السلام عليكم اخواتي بنات عالم حواء أنا عضوة جديده لديكم واتمنى من الله ثم منكم ان تجدوا لي حل لهذه المشكلة التي تكمن في اهل زوجي من اخذت ولدهم ومرأة اخوه الكبير من أبوه وهي تحرض الكل ضدي وللاسف الكل يتبع كلامها لانها قوية ولان اخواته الثنتين اتربوا على يدها ويسمعون كلامها بشكل مو طبيعي في البداية كنت في بيت بعيد شوي عنهم ولكن الان اصبحت اسكن معهم في نفس العمارة في شقة منفصلة وكمان بنت اخت مرأة اخوه الكبير تصير سلفتى مرأة اخوه اللى اصغر منه وتعالى شوفي الفرق في معاملة اولادها واحترامها رغم انها رسميه معاهم عكسي أنا أشتغل في بيتهم اغسل المواعين وأكنس البيت ورغم كذا يهاوشون عيالي ويصارخون عليهم حتى أول ماسكنت عمتى جبتلها هدايا مكلفة وعشاء ذبيحة والله من عندى كرما لها لانها جدة عيالي لكن بناتها مايخلونها تعاملني زين ويكرهوني لانهم دائما محرضين ضدى والله يابنات انها معاناة سنين تخيلوا عمتى لماسكنت عندهم ماعبرتنى بشئ وسلفتى اول مسكنت راحوا يجرون لها بالهدايا ليه الظلم وذحين يضبطون السهرات والوناسة لها ودايما يسوون لها العشاء والله انهااحيانا تجاملهم وتجلس واحيانا تمشى طيب ليه التفريق وهي دوبها اللى جاورتهم وانا عشرة سنين عندهم والكل يمدح فيني لكن تعاملهم كله حرب نفسية من خالة سلفتى ويخلونى مهمشة دائما ماكأنى وحده منهم ليه وأمه فطورها في رمضان علينا واناعارفه ان هذا واجبنا واقل شئ نقدمه لهالكن ولا احد شايف شئ والله يغلطون على بالكلام ولاارد واخرتها انطم ويدقونى بالكلام زعلانة اشربي بحر كأنهم يكلمون بنتهم الصغيرة ودائما يسوون هذه الحركة ولكن انا مشكلتى طيبتى احسهم هم عارفيني ان زعلى مايدوم واني راح ارجع لطيبتى المعهودة لكن هم كرههم مستمر ومتجدد والله احيان احسهم كأنهم يبون يضاربون همجيات ولا عندهن احترام والمصيبة اني في غاية الاحترام للاخرين واتضايق مرة لوحسيت انى زعلت احد والمشكلة لماازعل اخذ اسبوع ماازورهم ولمااجيهم يدقون اللي يزعل الله يعينه على نفسه طيب كيف ماسلمت منهم وانا راضية ولاسلمت وانا زعلانة ولااعرف سياسة الدق في الكلام ولا النفاق اللي يتقنونه ولكن في النهاية اريد صاحبة خبرة في الحياة ترشدني كيف اتعامل مع هالنوعية من البشر لاني اصبحت لااحتمل وكثيرة البكاء من جراء افعالهن ومسلسل الظلم الذي لاينتهى