كيف اتعامل مع ام زوجي

السلام عليكم حبيباتي
والله اكتب وانا مقهورة واطلب مشورتكم وانكم تنصحوني ولا تهملون رسالتي
انا متزوجة من شي 5 سنين عندي ولدين حماتي ايام الخطوبة والعقد كانت تتعامل معايا عادي يعني مانا طيبة ولا شريرة بس انا كنت احس انو فيها نفحة خبث بالداخل...المهم اتزوجت والاسبوع الاول من شهر العسل عملت مشكل مع زوجي وغضبت منو بدون سبب رجعنا من شهر العسل وقعدنا مدة عندها بالبيت لحين اطهز بيتي كانت حال واحوال سعات تحكي معي وسعات الاقيها مطنشاني وما تشوف حتى ناحيتي واظل طول اليوم احاول اكلمها ما ترد وهاملتني.. بعدين استقريت ببيتي وصرنا على نفس الحال ساعات تحكي معايا عادي وسعات لا حتى اجا يوم كنا نشتغل بالبيت مع بعض صارت تصرخ عليا وتعايرني انا اتفاجات ما قدرت ارد عليها واغميت بعدين انا رحت صالحتها ببيتها...اتكررت هي المواقف كتييير وانا اصبر لحد ما مرضت ورحت على طبيب نفسي لاني صرت اعاني وانحف وما اكل بعدين جبت الولد الاول واحنا بين مد وجزر والثاني في مرة اجت زارتني ببيتي وعايرتني واهانتني واتصالحنا بعدها ببس احاول دايما ارضيها وهي ما في شي بيرضيها... مؤخرا علاقتنا صارت منيحة كل مرة ازورها يعني يومين اكثر شي ثلاث ايام وازورها وبالهيومين كنت مريضة باسناني وبتابع عند طبيب فقالتلي انت امتى رح تخلصي علاج كل يوم رايحة جاية وانت اصلا اسنانك كلها وقعت ما ظل عندك غير شوي بالامام ليش صارلك هيك انا اتقهرت لانو مو اول مرة تحكيني بهالموضوع واشرحلها ويمر وقت وتعيدلي نفس الحكي...انا حكيتلها انو المشكل صار معي بسبب الحمل والولادة صارت اسناني ضعيفة وتتكسر هي صارت تصرخ وتحكيلي الحمل والولادة مانم سبب ليش الناس اللي بتجيب 12ولد واسنانهم لساتا منيحة شو صارلم وحكتلي انو ليش اختك اسنانها حلوة وماصار معها اي شي انا حكيتلا انو مو بايدي هالموضوع وكل واحد وجسمو ومناعتو حكيتلي احكي انو انت عظمك اضعيف ولا تعلقي علتك عل الحمل والولادة انا انقهرت وحكيتلا انو هذا امر الله وانا ما عندي اي دخل فيه خلاص سكتت بعدين صرت احكي معها عادي كا ترد عليا رحنا على بيتها ما قعدت علي راحت عالمطبخ فلما رحت عندها احكيلا اساعدك بشي حكتلي لا كلشي عندي جاهز ولما جيت اسلم عليها لما كنت رايحة ما رضيت تسلم عليا.... وبنتها كانت حاضرة على هالمواقف كلها فحكت لي خلاص امسحيها فيا وما تاخدي على خاطرك...وكمان جوزي نفس الشي بس انا اتعبت كل مرة هالشي عم يتكرر بدون اي سبب بتغضب وتزعل وتقهرني وانا اقسم بالله اعاملها احسن من معاملتي لامي ليس لانني احبها اكثر من امي وانما لاتقي شرها
شوروا علي ارجوكم وانصحوني