كيف ارد على زوجي

السلام عليكم
بنات انا سبق ونزلت لكم مشكلتي وهي ان زوجي مايحترمني ولايداري خاطري قسم يابنات انه يرمي علي كلام جارح مايقول بتزعل ولايخاف من زعلي والله اعرف حريم رجاجيلهم يدارونهم وهذا ماعنده خاطر لي واذا صار الجو بينا صافي وتصالحنا انقلب شخص ثاني اخلاق وكلام حب ماعرفتله مزاجي المشكله يابنات انه دايم اذا صارت بينا مشكله وتهاوشنا دايم يقولي ذا الكلمه يقولي خلاص اذا كثرت المشاكل بينا ماعاد نصلح نعيش مع بعض خلينا نقترق وكلنا يذكر الثاني بالخير واذا تصالحنا والله كانه ماقال شي ويسولف عايدي ويضحك وانا تحز فيني كلمته كل مرة والثانيه يكرر علي الفراق
قولوا لي وش ارد عليه اذا قالها لي 
والله مو كاسر ظهري الا مسالة الانجاب لانه من يوم تزوجنا ماصار حمل وافكر اقول اذا انفصلت ماراح احد يقبل فيني لان لي كم سنه متزوحه ولاصار حمل واكيد الي بيتقدم لي بيسال كم سنه جلست عند زوجي ولاحملت وانتم عارفين مااحد بيقبل بيقول اكيد فيها شي واذا انفصلت اكيد الناس بيقولون هو طلقها لانها ماتنجب والله ذا المساله كاسرة ظهري خصوصا انا عايشين في حي يحب نقل الكلام 
تكفون ردوا علي كيف اتعامل مع ذا الرجال 
وادعوا لي بالذريه الصالحه يارب ارزقني بالضنا الي يعوضني عن كل شي وارزق كل من يتمناه