كيف اغير الفكرة اللي براس خطيبي واهله؟؟ عااااجل

يابنات انا مملكة وفرحي بعد 3 شهور

والمشكلة ان زوجي هو اول ولد لاهله بيتزوج وامه فرحاااااانة فيه موووت وتبغى تسوي كل التهاويل في الفرح ... وذوقي وذوقهم مايتناسب ابدا ... هم عالم يحبو العفاشة والخرابيط الكثير وانا احس ان هالشي يخلي الفرح شعبي والزايد اخو الناقص وانا احب الشي الراقي الهادي والناعم ...

انا قلت ماعليا فيهم فرحهم يسوو اللي يبغوه انا لي في الزفة .. بس المشكلة انهم مختارين زفة من محل زفات ولما قال لي عليها حسيتها مررررة مبالغة بالمختصر انه يدخل جوة مجسم على شكل تورتة ويندف فيه الين نص القاعة ويطلع منه يغني ووقتها انا اطلع .. بالله مو هبالة انا احب العريس يكون رزة .. اذا شايفينه شي عادي قولو لي ..

كلمته ومااقتنع بكلامي وقال انه هالشي مو من راسه من محل زفات وانه شي غريب وقال لي لما تسمعي شي ولما تشوفي شي ...

محتارة كيف اتصرف ماابغى اتفشل قدام اهلي وناسي .. من حقي اتدخل ؟ ولا عشانه فرحهم مالي دخل وش رايكم ؟ بليز شيروني وش اسوي لاني من وقتها وانا متضايقة وماابغى الفرح يقرب حاسة اني باقلب وجهي فيه وبتنكد .. وفي نفس الوقت ماابغى من بدري اقول له ذوق اهلك مو حلو وماعجبني وتبدأ المشاكل .. محتااااااااااااااااااااارة

الله يسعدكم لا تطنشوني انا معتبرتكم اهلي واخواتي انتظر ردكم:(