كيف انساه

السلام عليكم
ببدا على طول انا يابنات كنت اصلي قيام الليل وادعي ربي يعوضني بزوج يحبني ويعشقني وبعد 3 شهور تقريبا خطبني واحد وسالنا عنه الكل يمدحه وافقت وبعده تملكنا وشافني
وطلب من اخوي انه يكلمني
وكلمته فالبدايه كنا نستحي من بعض وبعدين عرفته اكثر كان يقولي ماعمري حبيت وحده كثرك طبعا كان يبين بافعاله كان كل شي يجيبه لي من دون مااطلبه اقوله كيف عرفت اني محتاجته يقول انا قلبي يقولي كل شي قسم بالله يابنات اذا كنت متضايقه وابكي يتصل علي يقول جتني ضيقه احس فيكي شي قلبي مو مرتاح
والله يابنات يدق علي الفجر ويقولي صلي وادعي اننا نتوفق مع بعض ودايم يوصيني اقرا قران واساعد امي كان محافظ على الصلاة ودايم ينصحني ويوصيني اتقرب من الله كان اخلاقه عاليه صار لي اكلمه 6 شهور وحبني مررره تخيلوا مره قلت له لو مت بتتزوج غيري كنت امزح معه قال دنيا بدونك ماابيها قالي ماتتخيلين قد ايش احبك واذا زعلت منه ماينام الا وانا راضيه لدرجه يبكي ويقول انا قلبي متعلق فيك لاتتركيني ويقولي اذا تزوجنا بحطك بعيوني انا اللي اطبخ واسوي كل شي بس انتي ماتتعبين كنت كل يوم اشكر الله استجاب دعوتي ورزقني اياه


لين جاء اليوم اللي ماانساه اتصل وقالي انا جايكم بالطريق مشتاق لك بعدين قالي كلمه انا استغربت منها قالي لو ماعشت معك بالدنيا بتزوجك بالأخرة قلت له ليش تقول كذا غير الموضوع وقال انتظريني جايب لك هديه
مر الوقت وانتظره لكن تاخر مره وكنت اتصل ومايرد وقلبي قرصني وجاء اخوي قالي صار عليه حادث وجلس بالعنايه اسبوعين زرته مع اخوي ودخلت شفته انهرت كان بغيبوبه كنت اصيح وقوله لاتروح وتتركني لين الجهاز طلع صوت وجت الممرضه وطلعتني قالت نبضات القلب نازله
بعدها بيومين توفى ماقدر اوصف لكم صدمتي مهما تكلمت كرهت حياتي وكرهت كل شي صرت اتمنى الموت علشان اشوفه ادعوا له بالرحمه مابي منكم الا انكم تدعون له وانا مراح انساه من دعائي بس قلبي مره مجروح وكل ماشوف صورته قلبي يتقطع الف مره