كيف انشط مصلى المدرسة؟؟

يابنات وين كم اثابكم الله؟؟
انا بانتظار ردكم في اقرب وقت ممكن

حبيتي اختى سوت مسابقه للبنات في المصلي الفاضيه تجي تسمع سوره اللك طبعا عشان تحفيزنهم.....خذي لهن جوائز حتى لو بسيطه منها اجر لك ومنها تفعلين المصلي!!!!!

ادعيلي بالتيسير لي

حنا مصلى المدرسه فعلوه بطريقه مره حلوه
انا مو متابعه بالضبط بس بقولك الحركات الحلوه اللي سووها
اولا.. تناوب بين معلمات الدين يوميا يسوون حلقات وقت الفسحه للي تبي تحضر طالبه او معلمه
ثانيا.. سووا حمله للصلاة فيها أستفتاء عن الصلاة وهل تداومين عليها والا لا
هل تضبطين المنبه للصلاة لما تكونين نايمه وكذا ... يكون للمعلمات والطالبات
بدون مايكتبون اسمهم حتى ماينافقون هههههه امزح
ثالثا.. حطوا لوحه بالساحه وكتبوا عليها عن اهمية الصلاة عفوا هي مو لوحه بالضبط هي قماش رابطينه بين عامودين
وكل وحده من معلمه او طالبه تجي وتكتب فيه وش تعني لها الصلاة
رابعا.. طبعوا كاسات وتيشيرتات عن اهمية الصلاة وكانت التيشيرتات للمعلمات ويلبسونها طول الوقت
طبعا مو كل المعلمات اللي تبي منهم وتفاعلوا ماشاء الله بهالشي كثير
خامساً.. في بعض الأحيان في الطابور يسوون أسئلة دينيه
ويحددون فه للإبتدائي دنيا وإبتدائي عليا.. ومتوسط .. وثانوي ..ومعلمات
مع الجوائز .. وأشوفهم يتحمسون ماشاء الله
سادساً.. احيانا في الفسحه قهوه وحلا وكذا للطالبات والمعلمات ويسوون نقاش وسوالف وكذا
طبعا مفيده وكانوا الطالبات مررره ينبسطون واحسهم يسألون كثير خصوصاً اللي في المتوسط
سابعاً.. غلفوا المصاحف بس مدري كيف .. بس ممكن تاخذين طالبات موهبات في الفنيه
ويجربون على كتاب واذا ضبط غلفوا المصحف.. بس اعتقد انه غلاف ممكن ينفك ويكون من قماش حتى يفك ويغسل لو توسخ
امممممممممممم حالياً هذا اللي اتذكر ولي رجعه

الله يجزاكم الجنة ويعطيكم الف عافية
واسال الله لكم التوفيق

رفع