كيف اهتم بامي ساعدوني

الله يرزقك برها ويكتب لك أجرها

الله يخليها لك
ويقويك ع برها ويكتب اجرها


سوي لها عصير بالخلاط طبيعي
شوربات مختلفه
اذا تحب الجريش والقرصان خليه غدا
والعشاء خفيف زبادي وفاكهة او ايدام مع قطعة خبز بر
اعطيها مرتين بالاسبوع سمك مشوي زييين لكبار السن
الفطور شوفي الاكلات الشعبية اللي تحبها
ولاتنسين القهوة والتمر
حاولي اذا في مكان تمشي لو نص ساعة ثلاث مرات بالاسبوع
الله يحفظها لكم

كيف ماتعرفين امك شو تحب يعني ماكنتِ عايشه عندها من قبل عموما ياعسوله اسأليها افتحي معاها مواضيع شو تحب شو تكره اكثر شي يفرحها اهم شي البيت نظيف وملابسها نظيفه ومبخره اشتري لها عطورات اللي تحبها هاتي لها جوال حطي لها ارقام صديقاتها المقربات جاراتها اهلها دقوا عليهم من وقت ل وقت بخري شعرها مشطيه قصي اظافرها خليك صديقتها مو بنتها ترى بتحبك وتتعلق فيك اكثر وب تسمع لك عن طيب خاطر عندك قناة المجد الواقع وقناة فضه افتحي لها وخليها تتونس لو عندك مقاطع في جوالك تحسينها بتبسطها وتعجبها وريها اقري لها قصص رسائل حلوه وكذا نجي للأكل لاتجبرينها على اي شي ماتحبه قدمي لها الأصناف اللي تحبها تمر قهوة فاكهة عصير مكسرات سوي لها الأطباق اللي تحبها وبالنسبة لصحتها وديها المستشفى شيكي على السكر والضغط لو طلع فيها سكر والا ضغط لازم تاخذ العلاج وتتنتظم عليه الله يخلي لك امك ويسعدكم ويرزقكم اضعاف ماتتمنوا وصل اللهم وبارك على نبينا و حبيبنا وقدوتنا محمد

الله يحفظها ويطول بعمرها على طاعتة الرحمن
شوفي الكبير بالسن مايتقبل اَي شي ونفسه عن الاكل أو عصير مرات
العمر له دور مايناسبها أو يتعب جهازها الهضمي فترفض تاخذه معاها عذرهاا
أو نفسهاها متشتههي مو نفس الصغيرة بالعمر ممكن تتقبل اَي شي حاولي تدارينها
يعني لاتعطيها شي الا إنتي متاكده يناسبها صحين وتتقبله نفسين
وامك في نظرها إنتي صغيره مهما كبريتى تهتم فيك تبيكي تأكلي
الأهم من الاكل النفسيه اطلعي إنتي وياها سيرو زياره أقارب أو جيرانكم
أو الحديقه أو حتى بالحوش وسوالف وعزمي صديقات أمك الي بعمرها عشان تنبسط

الله يخليها لك يارب .. حاولي تكثرين جلسات معها وتورينها سنابات بجوالك او صور انستقرام وحاولي تطلعين معها لمول وتغيرون جو وشوي شوي لين تكون العلاقه كويسه