كيف تتصرفين ؟

اخواتي الغاليات زوجي الله يصلحه ويهديه سكنت اخته بيت جديد ملك والبيت يبغاله تصليح شوي قالي ابعطيك فلوس وعطيها اختي قلت وشلون اعطيها وانا ما شفته واخته لها موقف معي وهو انها لما كانت والده جبت لها هديه وكلفتني عشان اخت زوجي يوم جيت اعطيها اياه قالت وش شايفتنا قروا وقلت له الصراحه انت عارف الموقف الي سوته معي ولا اضمن اذا عطيتها انزاله فلوس لبيتها وش تقول خصوصا انها ما بعد شفت بيتها وبعطيها في الاستراحه اخاف تقول شايفتنا محتاجين او شي وقلت له عطها انت ورفض لانه بينهم سوء تفاهم وقلت له ابتصل عليها واقول لها بنجي نشوف بيتك واتصلت قالت لا ياحبيبتي المهم وانا جالسه في البيت جتني رساله من اخته تقول كثر الله خيركم وانا مدري وش السالفه يوم اتصلت عليه في شغله قال اني رحت يوم الخميس الي راح وعطيت رجلها النزاله ولا قال لي وضاق صدري من الموضوع حتى قال اني ما توقعت تقول لك المهم الحين هي سكنت وراحوا خواتها واخذوا هديه وشافوا البيت وراحت مرة اخوه الكبير وشافت البيت وعطتها هديه وانا الوحيده الي ما رحت ولا شفت البيت ولا جاملتني حتى قالت تعالي شوفي بيتي خصوصا انها ردتني والحين في الاستراحه يتكلمون في بيتها وانا زي الاطرش في الزفه وش رايكم؟