كيف تتعاملون مع اطفالكم بالسوق ؟؟ ,., تعالوا شوفوا كيف حاسوني الشباب امس ..

السلام عليكم


زوجي له اسبوع في مناوبه .. وامس طفششش جت اخت زوجي الصغيره وقالت خلينا نطلع العيال نونسهم

وانا ماصدقت خبر واخذتهم وطلعنا وياليتنا ماطلعناا .. رحنا اول شي جيان وانا واخت زوجي داقين حنك ونسولف

ونشتري والعيال ياخذون الي يبغونه ويوم جيت ابحاسب الا العربه مليانه الى راسها وكلها العاب واشياء تافهه

وعندهم منها درازن بالبيت وشوي الي يجي المحروس الثاني ومعه عربه ثانيه وملياااااااانه بعد ..

جيت قلتلهم ماراح تاخذونها كلها كل واحد يختار الاشياء الي يحتاجها ولا تكثرون وجلسوا يدورن بالاغراض

وقالوا لا نبغاها كلهااااا وقلت لا عندكم زيها واحلى بالبيت ليش تاخذون هاذي قالوا لا ماعندنا ( نصابين معاهم

غرفه وش كبرها ومساحتها اختفت من كثر الالعاب الي فيها سواء هدايا او ابوهم يجيبها لهم )

ويوم جيت اطلعها وبرجعها جلسوا يصارخون والي يبكي والي يشد عباتي حاااسووني .. والناس يطالعون فينا

وانا ماعرفت اتصرف واهديهم اخر شي قام واحد منهم يقول بصوت عااالي .. هيييه ترااها ماهي امناااا وجا موظف ويسالني

ويسال اخت زوجي وانا شوي وابكي جرحتني كلمته :icon33: لان انا فعلا انا مو امهم امهم متوفيه الله يرحمها ..

بعد الي قاله استسلمت واشتريتلهم الي يبغونه واظطريت ادفع بالفيزه لان المبلغ جامد شوي

بعدها رحنا هابي لاند ولعبتهم الين داخوا ويوم تعبنا قلت بنروح نتعشى بمطعم ونرجع البيت

وهم ما يبغون يرجعون او يمكن متعمدين حركاتهم .. جلسوا يبكون ويتسحبون والي قعد يتلوى على الارض واستسلمت طبعا وتعشينا هناك

وقعدنا الين المكان جا بيقفل وطلعونا :09:

اليوم زوجي دق وكلمهم وقعدوا يقولون له اني مااشتريتلهم ومالعبتهم واني اخذت الفلوس الي عطاني

واشتريتبها لنفسي :44: .. بعدها كلمت زوجي وقال ماعليك هم يتبعون هالاسلوب يبوني اعطيهم فلوس بايدينهم

عشان يلعبون فيها طنشيهم ..


ابغى اعرف كيف تخلون عيالكم هاديين بالسوق ؟؟ وكيف اخليهم يشترون الشي اللي يحتاجونه بدون تبذير ؟؟

لان اللي عندي مبذرررين درجه اولى طالعين على ابوهم بس انا مااحب الصرفيه الزايده الي مالها داعي ..

وكيف اخليهم يتركون الكذب :( لان مو اول مره يكذبون دايم يتعمدون يطلعوني بصوره ماهي زينه قدام ابوهم او اهل زوجي مع اني طيبه معهم ويحبوني الين يجون اهل زوجي ينقلبون علي مدري ليش .. احيانا احس انهم يبغون اكبر قدر من اهتمام الناس ويبغون يلفتون النظر وبس ..

انتظر كم :icon33: