طُهــر

طُهــر @thr_33

عضوة نشيطة

كيف تتعاملون مع شغالاتكم

الأسرة والمجتمع

اهلين يااخوات
ابي طريقتكم في تعاملكم مع الشغاله خاصه الي عنده شغاله من افريقيا
انا شغالتي من كينيا من اول يوم جت متحمسه للشغل وتنظيفها للبيت ومسح الارض وتسفيطها للملابس مافي كلام بيرفكت لانها مشتغله بفندق
انا عندي بنتي عمرها ٤ سنين ولد توه يكمل السنه طبعاً كلن يعرف السن هذا من الاطفال كيف هم متعبين الله يحفظهم
لكن بيتي عباره عن شقه صغيره جداً واحنا عايله صغيره
بس من عرفت ان الاطفال وخاصه ولدي ابو سنه مسؤليتها صارت تستهبل علي من ناحيته تهمله واهمالها واضح وخاصه عند الدرج منبهتها انو باب الشقه مايفتح و اذا كنت انا مشغوله اخليها معاه وافتح لهم التلفزيون ع قنوات الاطفال ادخل عليها فجاءه اشوف بنتي تشيل اخوها وتصقع فيه وهي قاعده متكيه وعلمتها ان الاطفال اهم من البيت وانا ماجبتك من كينيا الا عشان تهتمين فيهم خاصه الصغير
اتعبتني من ناحيه ولدي بنتي كبيره وشايله نفسها وانا اكثر شي معاها بس ولدي معاها ومرات احرص انو انا الي اغسله وانظفه الا عاد اذا صرت مشغوله او اطبخ
وهذا غير تكسيرها للمواعين قهرتني مواعيني من تزوجت وانا حريصه عليهن وهي تجي من اول شهر وكله تكسير علمتها انو بيخصم من راتبها بس ماخصمت تهددها بس عشان تخاف
وغيرها والشي الي مخوفني منها انها تجرئت ودخلت غرفتي عشان ولدي نايم بتدخله الغرفه بحكم ان عندي امي واهلي ذاك اليوم قاعدين بالمجلس الي دايم تنومه فيه وطلعت من غرفتي وهي راشه من عطري
وجتني للمطبخ وانا اسوي العشاء وعرفت ريحه العطر وسئلتها وش الريحه ذي قالت العطر !!
قلت ايه قالت هذا ريحه كريم عطتني اياه فلانه > الي هي شغاله خالتي
وكينيه الجنسيه بعد قلت لها جيبي لي الكريم وكانت خايفه اني اكشفها وهزئها شوي وعلمتها غرفتي لاعاد تدخلينها واي شي يخصني لاتلمسينه والا بوديك للمكتب وبعدها اسفرك وعرفتك انا ماجيتها لانه شي خاص لك ولا فتحت اغراضك
تصفق وجهها من الفشله لكن الحين رجعت وتقولي انا بس مع البيبي وانا تعبانه وموعاجبها الشغل
البيت شقه صغيره حيل وماعندها الشغل الي مثل شغل الشغالات الي عند العوايل الكبيره مدري وش اسوي فيها وانا كل ماتأففت من الشغل انخرش اخاف تدخل علينا وحنا نايمين 🌚 مرات اقفل باب الشقه ومرات باب غرفتي ( الشقه لها نظام الدوانيه خارجيه معاها الحمام مستقل عن الشقه )
معطيتها حقوقها كامله الا الجوال تكلم اهلها وتسال كل جمعه واغراضها وملابسها اول ماجت جبت الي تحتاجه مثل الشوز والملابس والحجاب والصابون
مادري كيف اتعامل معاها وانا مابي ابين اني محتاجتها مررره وماعندي استعداد ابدلها او اسفرها لان من قدمتها قبل كورونا بشهرين يعني صار تقديمها حول السنه وشهرين وماصدقت جت
عطوني الحلول المناسبه و الخبيرات بتعامل مع الشغالات
وشكراً لكم
5
604

يلزم عليك تسجيل الدخول أولًا لكتابة تعليق.

تسجيل دخول

الشوق صعب
الشوق صعب
هلا اختي .. الله يعطيكي خيرها و يبعد عنك شرها ...
انا ضد تحميل مسؤولية الاولاد للشغالات ايا كانت جنسيتها ... حتى لو فلبينيه .. ممكن تلعبه قدامك ... تراقبه و هو يمشي ما يعور نفسه قدامك .... لا تخليهم لحالهم معاها و لا مع غيرها ... و الله اعرف وحده تقربلي كانت تخلي العيال مع الشغاله و تطلع مع صحباتها .. كنت اقولها انتبهي على عيالك و لا تأمنين الشغالات ابدا .. قالت طيبه .. قلتلها قدامك بس من وراكي الله اعلم .. قلتلها طيب حطي كاميرات ... لا حياة لمن تنادي .. مو بس انا الكل كان ينصحها و ما فيه فايده .. ابنها الثاني بدأ يصير سلوكه مو طبيعي ... ودته طلع عنده توحد بسبب بيئي مو دماغي .. لانو عملوله كل الفحوصات و طلع طبيعي عضويا ... بعد بحث اكتشفت انو الشغاله كانت تضربه الين ما ينام ... و مو اي ضرب .. و قدامها كانت طييبه جدا مع الولد .. و من وراها ضرب من هو بيبي عمره اشهر ... شوفي الولد الان عمره ست سنين و ما يتكلم و حالته تكسر الخاطر بسبب الثقه العمياء للخدم ... ... اذا مضطره تخليه كونك تشتغلي مثلا حطي كاميرات و خليها تعرف انو فيه كاميرات و قولي لها انا حاطه كاميرات عشان الحرامي و السرقه و كدا .. بس تقفلي عليهم باب الشقه و ما تعرفي ايش قاعد يصير هادي مصيبه ... و باب غرفتك قفليه ٢٤ ساعه هادي ملقوفه و يدها طويله .. حتى لو انتي في البيت قفلي الغرفه ... ممكن في لحظه تدخلها ...
و على كلن واضح انها مو حقت اطفال .. فخلاص خليها لكرف البيت فقط و لا تسلميها العيال ابدا .... بلاش تأذيهم ....
و انا عني اعطيها كل حقوقها من اكل و شرب و نومه مريحه و جوال للاسف خخخخ و انترنت للاسف الشديد هههه بس الفلبينيات كدا مدري عن الكينيات ... و حاطه كاميرات في البيت كله و هي عارفه انو فيه ... و انا ما اخلي عيالي عندها بس حطيت كدا عشان اراقبها ...
و لقيتها مره مع اني في البيت كنت في غرفتي .. لقيتها تنظف انفها بيدها مو بمنديل الله يكرمك و تطبق ملابسنا من غير ما تغسل يدها و طول الوقت و هي واضح تحاول تنجس ملابسنا بوسخ انفها الله يكرمك ... قلت لها ايش هادا انكرت .. وريتها فيديو التسجيل سكتت.. يعني حتى مع كاميرات تكذب .. خليتها تغسل كل الملابس و تكويها من اول و جديد ... و هي فلبينيه .. شغلتين لازم تنتبهي لهم من اي شغاله .. الملابس و الاكل ... اكتر شيئين ممكن ياذوا اهل البيت من خلالهم و بعدين عرفت انو فيه بعضهم ينجسوا الملابس بعرقهم او باي شي تاني قصدا ... فانتبهي ... متعب وجودهم و متعب عدم وجودهم .. كله متعب
و انا ما ادلع الشغاله لانو اعرف ما حخلص و لا اشد عليها خصوصا فيه اطفال .. عادي جدا .. اعطيها كل حقوقها و اعطيها شغلها بلباقه و امشي و حتى ما اطالع ردة فعلها و لا اطالع وجهها ... امشي على طول ... لانو بعضهم يافئفوا او تعصب او تكشر قصدا عشان تزعجك فانا ما اطالع
اذا انتي حابه مره تساعدك بالاطفال مع انو واضح ما تنفع ... قوليلها تكوني كويسه مع عيالي بكون كويسه معاك اضعاف .. و طبعا كله تحت مراقبتك ما تكون لحالها معاهم ابدا
الله يسعدك
بنت الكويت.
بنت الكويت.
لاحول ولا قوة الا بالله
وليش تحملي الشغالة مسؤولية ولدك
شلون يجي لك قلب
عندي شغالة وعمري ما حملت الشغالات مسؤولية العيال
لا من قريب ولا من بعيد
حتى لو الشغالة طيب وتتحط عالجرح يبرى مثل ما يقولون
إسبريسو
إسبريسو
خلي عيالك عليك والباقي عليها عيالك امانه وهم اولى بأهتمامك واولى من كل شي خصوصا اذا منتي موظفه خلاص العيال عليك والكرف وكل شي ثاني عليها
أولادي أغلى ماعندي
انتي لو مو موظفة فليش تمسكيها طفلك
طفلك مسئوليتك
حتى لو عندك خرجة لمكان خذي طفلك معاك
وخذيها هي تنتبهله بوجودك
ولو مضطرة تخرجي من غيره فوديه عند اهلك
معاها
لكن التغيير وغيره ابدا ماتخليها
حتى لو كنتي مشغولة
يعني في بيتك وش هالشغل اللي مرة مايخليك توقفي ٥ دقايق تغيري فيها لولدك
جتى لو تطبخي البسي قلفز وانتي تبدليله
والشغالة ماتغيرله ابدا الا في الشديد القوي
الشوق صعب
الشوق صعب
الشي الثاني يلي نسيت اقوله في تعاملي مع الشغاله ... لبسها يونيفورم محتشممممم فقط و عريض ( اعرض من مقاسها ) .. حركات الجينزات و الضيق لا طبعا و حتى جبت لها ربطه خاصه لرفع الشعر .. و فنايل داخليه ( شريت لها فنايل رجاليه دروش ههههه يلي تيجي مسكره لفوق على شكل دائري الصيفيه مو مثلث مفتوح .. لقيتها استر شي .. اشيلها من قرطاسها و اعطيها اياه مع اليونيفورمات ) ..
يبغالهم مراقبه عشره على عشره
سؤال اختي و امانه لا تزعلي مني ... الان هي اخدت الكريم حقك و تضايقتي مرره و معاك حق ... يعني ما تأمنيها على اغراضك حتى الكريم يلي هو شي بسيط ... فأكيد ابنك يلي هو اغلى شي ما راح تأمنيها عليه ...
عندك شنطة مليانه ذهب و فلوس ... حتعطيها اياها و تسيبي الشنطه مع الشغاله في الشقه لحالها ؟
طبعا لا ....
فانتبهي الله يرضى عليكي :)
هدول لا يؤمن جانبهم ... اي جنسيه ... طبعا مو الكل .. بس انا ايش دراني بالنوايا ... فاعقل تسلم