السلام عليكم ورحمه الله وبركاته....
اعرف ان هذا الموضوع شاغل بال الامهات بس حبيت انزل هالموضوع عشان تعم الفائده للجميع
هاذي تجربتي الشخصيه اللي صارت لي في طفولتي واتوقع فيه بنات صار لهم نفس اللي صار معاي انا امي وابوي الله يرحمهم جابوني على كبر يعني كانوا شيبان وانا واخواني صغار وفرق السن والتفكير بيننا كبير يعني احنا من جيل وهم من جيلين قبلنا وعمر امي ما قالت لنا اوحذرتنا من الاعتدائات الجنسيه لامن قريب ولا من بعيد ...تدرون ليش لان نيتها صافيه ولا تدري ان فيه نفوس دنيئه ممكن انها تشتهي طفله عمرها 8سنوات بنات انا تعرضت لكذا تحرشات وانا مش عارفه وش يبي مني راعي الدكان اللي امي مامنه له وتطرشنا له كل ساعه نجيب لها الاغراض ودايم تمدح فيه انه انسان طيب وخلوق وياعمري عليها طبعا الحافظ الله وحماني انا واختي الصغيره من شره بقدرت قادر والله والله اني عمري ماجبت سيره لامي ولا اشتكيت لها ليش لاني ماادري وش اقول ولا وش غرضه بس احساس في صدري لن نيته مش شريفه وعلى طول اهرب منه لين الله ابعد داره وحمانا منه بنات انا كبرت وتزوجت وانا ماعندي اي معلومات عن الجنس اوحتى من وين تولد المراءه لان مجتمعي منغلق ولا اعرف الا امي وابوي المتطلقين واخواني الصغار والحمدلله على الستر الزبده من قصتي اني كبرت وانا اسال نفسي وش اللي حماني من الذئاب اللي كانت حولي مع اني كنت فريسه سهله لصغر سني وحجمي والحين عرفت السبب تدرون ايش
.
.
الدعاء ثم الدعاء ثم الدعاء دعاء شخصين مايعرفون غير ربهم يلجاون له في الرخاء والشده ماتوا ومالهم من الوصيه الا المحافظه على الصلاه وصله الارحام
دعاء الوالدين في الثلث الاخير من الليل بان الله يسترنا فوق الارض وتحت الارض انه يبعدعنا كل مكروه امي كنت امعها وانا صغيره تقول ودعتكم الله ياعيالي اللي ماتضيع ودائعه والله العظيم يابنات انه حصن منيع لا الجن ولا الانس بيقدرون يضرونكم الله يرحمهم :icon33:
الله يحمي بناتنا وبنات المسلمين اللهم امين
اللي اعجبها موضوعي ياليت ماتبخل علي بالدعاء لوالديني بالرحمه ....
