كيف تصبحين صديقة لاحد؟؟؟

السلام عليكم (ه؛ ن اول حروف من اسمائهم) 😅
بنات ابي احكيلكم عن شي
بالمدرسه دايما نقعد انا وصديقتي "ه" مع بعض ومرات بالفصحه تجي عندها صديقتها "ن" اللي تدرس بالصف اللي جنبنا تسلم عليها وعلي بعد بس انا ماكنت اطيقها
كنت احسها مغروره وكل تفكيرها بالشباب (يعني من شكلها افكر كذة وبعد صديقتها حكتلي عنها بكل سلبيه) بعدين تعرفت عليها وصارت تجي تسلم علي وتضحك وكذا فعرفت عنها وكانو البنات يتكلمون عنها انها وايد طيبه
المهم انا صديقتي هذي قاعده احاول ابعد عنها لانها دايما تتكلم فالناس عكس تماما وهي للاسف احوالها بالبيت ماهي زينه ودايما تقول ياريت كانت حياتي مثلك ياريت ابوي كان مثل ابوك بس انا اذا رحت بيتهم ما اشوف الا الخير من ابوها وامها يعاملوها زين ومرات تتصل فيني تقولي تهاوشت مع بابا وبطلع من البيت اهرب وكذا لاجل اسباب سخيييفه جداا يعني اذا رجع البيت و نسى يشتريلها اكل خلاص هاوشته !
والله قاعده احاول ابعظ عنها وعن مشاكلها لاني اخاف على نفسي منها مرات بالصف تناظرني بنظره عجييييبة مااقدر اوصفها كاني سرقت حياتها
المهم نرجع للبنت صديقتها "ن" انا ابي اصير صديقتها بس ما اعرف كيف هي وايد هاديه وقليلا جدا ما تجي عندنا تسلم خصوصا بعد ما اني كنت اتجاهلها
شنو تقترحون علي اسوي ؟ كيف اصير صديقتها ؟ لاني وااايد حبيت البنت احسها نفس شخصيتي وسوالفها حلوه ..
وجمعه مباركه والله يشفي كل مريض ويسر اموركم جميعاا يا رب .💘