up

موضوع رائع ولي عودة

موضوع رائع ولي عودة

المجاملاااااااااااااااااااااااات
يعني عسى ما وحده ولدت إلا جابت لها هدية
لو أول بيبي ماعليه.......بس مب معقول على كل
ولاده.....وخلي اهلج واللي يقربون لج اني تهدين
حق أول بيبي بسسسسس عشان ما يزعلون

لو وحده جابت لج هديه ، انتظري لين تستوي عندها
مناسبه تستااااااااهل وتهدينها......وهديتج مب لازم
تكون اغلى عن هديتها

الأعرااااااااااااس
عسى ما وحده عرست، الا فصلتي فستان ولا اشتريت
واحد بمبلغ وقدره.....المشكله ان اهل العرس قرابتهم
لج بعيده وهم نفسهم ما يلبسون اليديد في اعراسكم

مب كل حفله تسيرين الصالون تسوين مكياج وتسريحه
خصوصا لو انج مجرد ضيفه في العرس وبستلمين على
اهل العرس وبتجلسين ويا باقي الناس

تعلمي كيف تحطين المكياج وكيف تعدلين شعرج ويا كثر
الدروس في المنتديات

العزايم
مافي داعي كل مرة تكون العزيمة عندج وبعد مافي داعي
ان العزيمة تكون أكثر عن مرة وحده في الشهر
خلوها كل مرة على حد.....ومن باب التعاوين كل وحده
تجيب وياها صحن حلى او شي ثاني

مافي داعي تسوين أطباق واااااااااايده كأنج مسويه عرس
والسالفه مجرد جمعه..........هذا اسمه تبذيييير


الأكل
اقتصدي في الكميات اللي تطبخينها عشان حرام يزيد شي
وآخر شي مصيرة انه ينكب

اذا زاد شي استخدميه في اليوم الثاني، ممكن تغيرين فيه
مثلا الصالونه أو الإيدام تسوين منه مرقوق
لو زايد دجاج مشوي، سوي منه سندويشات او حشوة حق
الفطاير........العيش ممكن تخلطينه ويا بطاط وتسوين منه
كبه .........يعني الأفكار وايده

لو فكرتي بتلقين ان أغلب الأكل اللي اشتريتيه في السوبرماركت
اشتريتيه وانتي يوعانه.........حتى أدوات المطبخ،،،،،،لأنج
وانتي يوعانه تتخيلين تسوين طبخه معينه فتشترين أدوات يديده
وأكل زياده حق الطبخه اللي ما تسوينها


استغلي سالفة نزول أسعار الخضروات
مثلا الطماط تسوين منه صلصة أو دقوق أحسن عن المعلبات
الليمون الصغير تسوين منه خل
الخيار تسوين منه مخلل
يعني لو فكرتي بتحصلين طرق وااااااايده

قللي سالفة طلبيات المطاعم ومب كل مطعم يديد فتحوه
على طول سرتي له..........

اعتمدي على نفسج وبدال ما تطلبين كل يوم من المطعم
سوي بنفسج الأكله على الأقل ضامنه نظافتها


مب لازم كل يوم يكون العشا ثقيييييييييييييييييييل
خلو يوم نواشف، يوم خفيف وصحي وهكذا


الماااااااااااااااااااااااااااااااء
أغلب الخدامات مسرفات بشكل فظييييييييييع في استخدام
الماي اثناء الغسييييييييييييل
علميها انها ما تخلي الماي مفتوح بشكل مستمر وهي تغسل
يعني في ايدينها صحن تغسله بالصابون والماي مفتوح....حراااااام
خليها أول شي تغسل المواعين بالصابون مره وحده وبعدين تغسلها
بالماي........أوفر

اذا انتي ما تشتغلين وبيتج صغير وما عندج عيال وايد مافي داعي
للخدامه......اعتمدي على نفسج وشغل البيت اصلا رياضه


التسوق
مب كل شي يديد نزل في السوق، تشترينه،،،،،،،،مثلا انتي عندج
عطور وايده ما خلصت،،،،،،،،انتظري لين تخلص واشتري اليديد تراه ما بيطير
من السوق

حرام تشترين شنطه سعرها غالي وهي ما تفرق وايد عن التقليد.....يعني
الأصليه مهما استخدمتيها ما بتطلعين قيمتها

مب لازم تشترين اغراضج من المحلات الكبيرة،،،،،،،،،ممكن تحصلين نفس
البضاعه في الأسواق العاديه

لا تنغرين بالعروض التجاريه...........تراها غالبا تكون طريقه عشان يبيعون
بضاعه طايح سوقها ولا قربت تنتهي صلاحيتهاااااا

يوم تسيرين ويا عيالج السوق........مب كل ما صاح ياهل يبغي تشترين
له شي معينه، على طول اشتريتيه.....بهالطريقه تكونين خربتي الياهل
وعلمتيه ان كل ماصاح بيحصل اللي يباه.......وتكونين زحمتي البيت
بلعبه زياده


لو عندج أغراض زينه ما استخدمتينها أو استعملتيها شويه ومب بحاجه لها، حاولي تبيعينها
عن طريق المنتدى وتراها تجارة زينه.......

انفينيتي صدقتي بكلامك