السلام عليكم ورحمة الله وبركاته ..
خواتي خلاص ما لقيت احد الا انتو اسالكم ...
كيف تتعاملون مع الشغالة ... لأني احترت كل ما اجيب شغاله ما تقعد عندي ما اعرف من شو ... بخبركم السالفة ...
صار لي ساكنه بروحي ست سنوات تقريبا يمكن اقل ...
لحد الحين ما في شغالة قعدت عندي سنتين بالكامل ...
اول ما طلعت ابيت بروحي كانت عندي اندنوسية كان باقي لها كم شهر وخذيتها وياي من بيت العايله كملت السنتين وراحت ... بعدها جبت اندنوسيه كملت سنه وكم شهر قالت بروح ما بقعد سفرتها .. بعدها جبت وحده شهرين وشردت .. بعدهم وحده اندنوسية بعد كملت سنه وقامت تطلع بلاويها مع الرياييل سفرتها ... غيرت جبت فلبينية سافرت وهي مكملة سنه وشهرين ما رضت تقعد ...قلت يمكن لانها صغيرة ما تقدر ع الشغل ... جبت فلبينية عيوز بالاربعين وكملت عندي شهرين امس هزبها ريلي قالت ما بيلس ... وديتها المكتب...
الحين انا مب عارفه شو السبب .. ما تتخيلون بنات الحين انا في بيت بروحي صح البيت كبير بس ماعندي الا ثلاث بنات وغرفتيه ما تيي صوبها وام ريلي ما تكون في البيت دايما يعني قسمها ما تنظفة الي تنظفة بس الصالة وغرفة بناتي واحيانا غرفة الضيوف وشغل المطبخ حتى برع حاطين زراع عسب ما تقول شغل ... غير الي اعطيها اياه واشتريلها اياه وطلعات كل اسبوع كل ما اطلع اخذهن وياي ... للامانه اخر وحده ما قمت اخذها قلت يمكن من الطلعات تتفتح عيونهم .. قمت اوديها بس يوم اروح عند هلي ابات عندهم ...
والله تعبت احس اني طريقتي وطيبتي الزايدة معاهم غلط ... من تقول الوحده ابغي اكلم اهلي اشتري لها البطاقة وما ارجع اخذ ثمنها من عندهم ... الي قاهرني اخر وحده من شهرين واصله كلمت عيالها مرتين وغير اني يوم رحت اتسوق للبيت قالت ابغي اخذ حلويات قلت لها خذي وتقولي بعطيج قيمتهم اقولها لا انتي وحده منا الحين ونحن مسؤولين عنج فخذي خذت فوق الميتين قلت عادي دامها شايله البيت وتشتغل عدل ...
الحين احس بالقهر ليش جيه يصير معاي ... اشوف الي حولي كلهم عايلات كبيره وبيوتهم اكبر من بيتنا وعندهم وحده وشايلته شل وتقعد السنتين بطولهم اكيد اسلوبي فيه شي غلط ...
كاني تكلمت وايد بس من زود القهر الي فيني ...
ابغي اعرف طريقتكم كيف تتعاملون مع الشغلات ..
يلزم عليك تسجيل الدخول أولًا لكتابة تعليق.
خليك أول من تشارك برأيها 💁🏻♀️