كيف عيدكم

اعيادنا مثل اعيادكم تقريبا
بس إحنا نفططر عند جدتي الى الظهر نتغدا ونرجع البيت
ننام والليل نسهر في بيتنا
لأن البيت كله ليله العيد سهران
وو اليوم الثاني نروح عند جدتي وبعدها عن الأقارب
وثالث يوم عندنا في البيت ..

كنا زمان نجتمع كل صباح ببيت واحد من اعمامي بس بعد ما كبرنا وتزوجنا صار كل عايلة تجتمع لحالها مع عيالهم طبعاً لين الظهر قهوه وفطور وسعة صدر

ثم نروح بيوتنا ننام وبالليل العشا ببيت واحد من اعمامي نظام سرا يعني


هالنظام شي اساسي

اليوم اللي بعده اخوالي واللي بعده استراحة عامة وهكذا

عيدنا ممل جدا خاصه ان اهلي بيكون مسافرين الله يجبر قلبي ع فراقهم ويردهم بسلامه ويعيني ع حمولتي الغثى

انا اهلي كلهم مسافرين واهل زوجي بعد كلهم مسافرين  وعادي اهم شي ان عيالي بصحه ونعمه يارب لك الحمد ترمس قهوه وسلة حلاو وخير وبركه من رب العالمين الحمد لله على نعمة الصحه والعافيه ونعمة الامن والامان  وعيد سعيد على احلا بنات في الحلا منتدى وسلامتكم

عيدنا لما أكون مع أهلي

( لأن أخواني و أخواتي لسّى أطفال ربي يحفظهم و أنا و أخوي كنا صغار قبل كم سنة يعني هالنظام أمي معتمدته من زمان عشان تفرحّنا ^^" ) ,

أجهز أنا و أمي حفلةة بسيطة قبل العيد نشتري بالونات ( وقبل هدايا للصغار بس هالسنة غيرنا الفكرة بقولها نهاية ردي ) , و نختار أنشودة و نجهزها و كذا , و نجيب التورتة و الورق العنب ليلة العيد

و ليلة العيد نجهز مكان الحفلة , و قبل صلاة الفجر نجهّز الكيك و الحلويات و قهوة لأبوي ربي يشفيه و كذا


و بعد صلاة الفجر نحتفل بالعيد , يفرحون فيها الأطفال أكثر شيء ,


بعدين لازم نروح نصلي العيد و نحضر خطبة العيد بعدها نرجع البيت إللي مالبس ملابس العيد يلبسها و نروح بيت خوالي


نجلس عندهم للساعه 10 أو 11 , بعدين نرجع البيت نوووووووووووووووم للعصر , ثم نصحى و تبدأ عاد دورية جماعتنا

مره عشاء عند فلان و مره غداء عند فلان يعني كإنها دورية هذا غير الحريم يسوون أمي و خالاتي و زوجات خوالي دورية قهوة العصر عشان جدتي تنبسسسط و تغيّر جو بالعيد , يصير كل يوم القهوة عند وحده




هالسنة الهدايا سوينا قرعه ( حطينا أسامينا بسلتين و أبوي يسحب اسمين بنفس الوقت من كل سلة أسم )

و إللي من السلة اليسار يهدي إللي بالسلة اليمين ( أو العكس ناسيه المهم اللي بالسلة الوردية يهدون اللي بالسلة الصفراء هع )

يعني كل شخص يهدي للثاني و بنفس الوقت تجيه هدية من شخص ثالث


طلع لي أن أختي اللي عمرها 5 سنوات تهديني و أنا أهدي أخوي اللي عمره 17 سنة ,


هذا عيد أهلي ماشاءالله تبارك الرحمن ولا حول ولا قوة لنا إلا بالله , نصيييييييحة جربوا الحفلة للي عندهم أطفال و جربوا القرعة بالهدايا شيء حلوووووو و بتكسبون أجر بالصغار أفكار بسيطة بس يستاهلون



أما عيد أهل زوجي , أروح أصلي العيد , بعدها أعايدهم و نجلس نستقبل الناس للظهر اللي جايين يعايدون و نفس العادات بدوريات الغداء و العشاء

طبعا عيد الفطر بمدينة أهلي و عيد الأضحى أقضيه بمدينة أهل زوجي

العيد فرحه و عيد المسلمين , الله يبلغنا أياه و يعيده علينا كل سنة و أحنا بخير و صحة و سلامة يارب