كيف ناوية تقضي العيد ؟؟؟

بالأول كل عام وأنت بخير وكل منسوبات عالم حواء
بعدين
أماني لايكون تتكلمين عني
أنا بعد مثلك أول سنة أعيد بعيد عن أهلي وكمان في الرياض
ولا أدري وين أروح ولا وين أودي بناتي

وحاسة بالطفش من ألحين
خصوصا أني باقي جديدة على الرياض تو مالي شهرين
ياليت أحد يفيدنا عن الأماكن الحلوة للترفية العائلي
أو المنتزهات أو الألعاب النارية

وعساكم على القوة يابنات دلونا بارك الله فيكم

هلا حبيبتي أم ريما .. نورتي

والله اني مثلك .. وزيادة على هذا زوجي يداوم في العيد

ومايطلع الا الساعة اربعة ..


وينكم بنات حواء .. مو عواديكم ؟؟؟

في انتظار البنات يفيدونا ...

هلا حبيباتي انا من الرياض ومن عوايدنا انا واخواني يوم العيد نجتمع الصباح عند الوالده الله يعطيها الصحه والعافيه ونفطر وبعدين كلن يروح بيته الى العصر نجتمع حنا والاقارب بستراحه نكون متفقين عليها مسبقا وسهره الى الصبح0 ثاني يوم طلعه نسائيه بحته للملاهي 0وعندك في الرياض اماكن كثيره حلوه عندك ملاهي الخيمه والروضه وعالم الطفل والحكير لاند وستار ستي وعندك الثمامه وكلها اماكن عائليه تجنن شليهات وملاهي والعاب اطفال ومطاعم 0اتمنى اكون افدتكم 0عيدكم مبارك ومنورين الرياض0

مشكورة حبيبتي أم الهفوف ماقصرتي ...

وعيدك مبارك وعساك من عواده ...

والله ان الغربة صعبه .. بس شنسوي ..

بس حبيبتي لو تقوليلي افضل هذي الأماكن ..

او ترشحيلي ثلاثة منهم ..

هلا اماني والله مدري اخاف ذوقي غير عنك بس والله انا يعجبني في الثمامه الفانتزي لاند مره حلو تاخذي شاليه وفيه بحيره حلوه وملاهي 0 اما الملاهي النسائيه 0عالم الطفل حلو بس المكان صغير ومع العيد تصير زحمه 0الخيمه برضه حلو بس العابه قليله0الروضه كبيره والعابها حلوه0ستار ستي والحكير لاند والله انا ما زرتها بس اللي راحوها يقولون خيال 0فيه بعدحديقة السلام وهي وسط الرياض بس والله حلوه مره كبيره وفيها بحيره والعاب بس مافيه خصوصيه حديقه عامه0وعندك بعدحديقة البعيجان جنب الفيصليه ما عليها بس احس ما يهتمون فيها مع ان موقعها روعه0وفيه حديقة الحيوان حلوه بس تقفل المغرب يبغاك تروحين بدري0وفيه عندك ملاهي البراجون و وحده جنبها والله نسيت اسمها هذي نسائيه مقفله من فوق يعني مغطيه فيها مطاعم والعاب حلوه واسواق0اتمنى افدتك حبيبتي 0