كيف وضعك في بيت اهلك بعد ما تزوجتي؟؟

بسم الله الرحمن الرحيم
ببداء بالموضوع على طول وبدون مقدمات وبتكلم عن نفسي وكل وحده تقولي لو كانت مكاني كيف تتصرف؟؟
احنا اسرتنا 3 بنات و4 اولاد البنات الحمد لله كان وضعنا مع اخواني قبل الزواج مااااشي يعني مو ذيك العلاقه بذات اخوي الاوسط يعني وين الغداء يا بنت ما عندنا بنات تشيل جوالات :angry2:ومن هالحركات القدييييييييييمه المهم كانت امي تصبرنا بتتزوجون ويتغير الوضع واخوكم مراهق وما ادري ايش بعد ....
في الاخر كلنا تزوجنا:icon28: وزادت المضايقات موبس منهم لا من حريمهم
يعني لما ما يكون عند امي شغاله ممكن يكملون سنه ما يجونها واعذارهم سخييفه وبايخه تعبانه بطنها يوجعها ولدها عليه حراره .واذا جت الشغاله يا ساتر كان ما عندهم بيوت مع انهم في وجودها او عدمه ما يشتغلون بس يخدمون ازواجهم وعيالهم وباقي البيت مالهم علاقه فيه بس الفرق انهم يطفشون الخدامه بكثر طلباتهم والخدامه بس لامي لانها كبيره سن وحده تقول غسلي ملابسي والثانيه شوفي ولدي لحد ما طفش من عند امي شغالتين والثالثه في الطريق
واذا قلنا لامي اتكلمي تقول عيالي بيزعلون ........؟؟جلست امي تقريبا سنه بدون خدامه رجعت الاعذار بعدين طلعوا بحركه جديده اذا اتفقت انا وخواتي نجتمع عند امي نطوا علينا فجاءه وقالوا اخذنا اجازه طويله وبنجلس مع بعض ...تخيلوا يا بنات انا وخواتي ازواجنا يعطونا مصروف على قدنا ومع ذلك كل يوم وحده تعشي البيت من برا على حسابها او طلعهم ملاهي لانه كذا المفروض الجمعه وناسه وفله هم ولا وحده تحط ريال مع انهم احيانا يجلسون شهر وكل وحده تقول لعيالها وهم طبعا صغاراطلبوا من البقاله او المطعم ولا تدفع واحنا نستحي نتركم اذا طلبنا لانهم صغار مالهم ذنب ولا يفهمون هالحركات بس والله زهقنا ...ما فيه ميانه ولا سوالف كل وحده تجي كانها مغصوبه وعايشه هي وعيالها من حساب غيرها.وفوق هذامضايقات في البيت لان بيت امي على قدها وانواع التنافس على الغرف كانها لعبه كراسي ..مع ان الغرف مثل بعض ومجلس ومقلط يعني ماهي غرف فيها زود؟؟ وامي عشان ترضي جميع الاطراف طلعت اغراضي انا وخواتي من غرفتنا الوحيده وما عاد لنا غرفه وقالت انتم ناموا باي مكان البيت بيتكم اهم شي بنات الناس ما يفضحوني مع اني انا ببيت اهل زوجي انام باي غرفه فاضيه ولا اتشرط وخواتي نفس الشي .....ومره اختي دخلت المستشفى وتركت بنتها صغيره عندنا والبنت تبكي تبي امها جاء اخوي وبدون اي رحمه وقدام امي وضربها يقول ازعجتنا ما نقدر ننام والبنت عمرها سنتين قالت امي لاتقولين لاختك تتضايق وهي تعبانه ما كان قصده :09:كل هذا لان زوجته وبنته نايمات ؟طيب البنت صغيره ولا تسكت لا بليل ولا نهار وتعبت امها فجاءه ودخلت المستشفى .وانتم عندكم بيت مومجبورين تنامون عندنا اذا الوضع موعاجبكم انما مسووين في البيت حضر تجول..بالمختصر احنا وعيالنا ما لنا مكان
بينهم واذا جينا وهم مو موجودين طبو فجاءه ويتضايقون من وجودنا ويضربون عيالنا مع ان اختي معها 3 صغار وانا واحد عمره 4 شهور واختي الصغيره توها متزوجه واخاف يجي يوم يصير بولدي زي عيال اختي والله ما اتحمل ينضرب قدامي ولا نقدر نقول لازواجنا بعدين يمنعونا من زياره امي وبيقولون اللي يبيكم يجيكم في البيت مع العلم ان الوحده احيانا تزهق من مشاكل بيتها او مسؤلياتها وتبي ترتاح عند امها واحنا يا دوب بالاربعين وتعالوا شوفوا انواع التفتيش حتى الحمام يشيكون عليه عشان يشوفون تستخدمين كبو او غسول ارطاء ويسالون الخدامه ماما ايش تستخدم ؟؟وكل شوي مداهمه وكل وحده تقول ادور ولدي وولدها يمشي وراها تقول ما شفته؟ ....من الاخر البيت مالنا فيه خصوصيه حتى لو الوحده تزعل من زوجها وبتغير جو كم يوم ما تقدر اختي تجامل وتمشي ..بس انا ما اقدر يبين علي اني متضايقه وبصراحه ماني مضطره اجامل لان الموضوع كاش ما احد مستحي من احد
احس اني مكتومه ليش الوحده طيبه وتبين لك السنع لحد ما تتزوج اخوك فجاءه تطلع ما تستحي ولا تراعي احد
اخر التطورات اخوي اللي له بيت بنفس المدينه اللي احنا فيها وعلى صغر بيتنا يقول بسوي لزوجتي شقه صغيره عندكم من وين يا حسره ؟؟؟قال مالكم شغل يادوب جناح غرفه بحمام ومطبخ صغيرومدري ايش عشان تاخذ راحتها اذا زارتكم لانها تقول مو مرتاحه ...الله يعين بس
انا اتكلمت عن نفسي كثير ويمكن يجي بكره ما خلصت
ابيكم تقولون لي تجاربكم يمكن القى فيها حل
في بيت اهاليكم لكم غرف خاصه ؟
كيف وضعك مع زوجات اخوانك ؟
كيف المصاريف في البيت عامه يعني لو شريتي لعيالك اكل ممكن تتركين عيال اخوك ولا تشترين لهم ؟
وهل زوجه اخوك تسوي نفس الشئ؟
اذا البيت مليان وين ممكن تنامون ؟في الصاله مثلا؟
اذا تضايقتي من اهلك ممكن تقولين لزوجك؟
كل ششششي بالتفصيل ابي اشوف كل الناس مثلنا ولا احنا بيت استثنائي
بليز بنات ابي اراءكم