كيكة التراميسو ( اللي مشتركه بها في المسابقه ) لذيذه وبالصور لاتفوتكم

هلا بنات انا جايبه لكم طريقه سهله حق كيكة التراميسو طبعا بنحتاج قالب التشيز كيك انتي ممكن تسوينها في بايركس لكن انا احب اني ازينها على الجوانب

المقادير :

كيك جاهز ( باوند كيك ) يقطع على شكل شرائح

الخلطة:

4 قشطة
4 دريم ويب
9 جبن كيري
نصف فنجال سكر
2 ملعقة اكل نسكويك نستله باودر
( توضع هذه المقادير في كاس الخلا حتى تمتزج مع بعض)

التشريبه :

2 ملعقة صغيرة نسكافيه تذاب في نصف كوب ماء

للتزين :

2 جلكسي 2 ملعقة اكل شوكولاته بودره ثلاثة ارباع اصبع زبده توضع جميع المقادير في حمام مائي حتى تسيح تماما ثم نفرشها على ورق قصدير وتدخل الثلاجه حتى تبرد
الطريقة:

تصف شرائح الكيك كطبه اولى مثل الصورة



تشرب بالتشريبه مثل الصورة لا تشربونها وايد لانها بعدين تطلع مثل المفتته يعني مجرد تشريبه بسيطه مثل الصوره تمام




توضع الخلطه مثل الصوره




وتكرر نفس العمليه بالترتيب حتى تتكون عندنا كم طبقه 4 او 5 على حسب القالب اللي عندج
وندخلها الثلاجه حتى تبرد
نحضر الشوكولاته البودره وننخله على الوجه مثل الصوره




واذا حبينا نزين الكيك ممكن نسيح شوكولاته جلكسي ونحطه على قصدير ثم ندخله في الثلاجه حتى يجمد ومن ثم نكسره ونحطه على الأطراف مثل الصوره وبالهنا والعافيه على قلبكم