كيكة الكاكاو بالتوفو

مرحبا
هذي كيكة سهله والاحلى لذيذه جدا انا اسويها دوم وكنت احسها بسيطه ويمكن تعرفونها فقلت انزلها لكم عل وعسى احد يستفيد منها :26:

المقادير
علبة كيك كاكاو روبن هود او اي نوع جيد بنكهة الشيكولاته وتسونها نفس الطريقه الموضوعه عليها بس اختلاف بسيط لو تبون نكهه استبدلو الزيت بزبده سايحه
تتسوى في القالب المفتوح من النص عادي وتبرد وتشق نصين عشان تنحشي
الحشو والتغليفه
نص كوب قيمر او قشطة المراعي او نستله
ربع كوب سكر
10 حبات حلاوة توفو الكرمل يعني (صبعين الصبع فيه خمس حبات)
حرقي السكر كرمل وحطي القشطه وقلبي حتى يصير توفو نزلي الحلاو فيه وخليه على نار هاديه جدا حتى يذوب ويبرد بعدها تماما ويصر عندك توف صاك شوي وهو المطلوب

الحشوه والتغليفه 2
نص كوب قشطه او قيمر
حبتين مارس اللي ناكله العادي
وحبة جلكسي
ملعقة اكل زبده
كله على نار هاديه جدا يذوب لحد ما يتجانس وتبرد تماما
عبي التوفو في كيس وخرميه ووزعي 3/4 التوفو على الكيكه وفوقها ربع حشوة الكاكاو بس وزعيه عدل انا استخدم اكياس التوست الصغير عشان ارميها بعد ما اخلص واسهل من استخدام قمع التزيين
ضعي الطبقه الثانيه بعد توزيع الحشوه وصبي باقي كريمه الكاكاو ووزعيها بسكين عريضه حتى تغطي الكيكه كلها وفوقها زيني بالتوفو الباقي
حطبها بالثلاجه تصك نص ساعه بس وقدميها بالعافيه
102507

102508

102509

102510

102511