اليوم يبتلكم كيكه جربتها أمس و طلعت خفيفه و حلوه :42:
بسم الله....
المقادير:كوبين و نص طحين متعدد الإستعمالات
ملعقه صغيره بيكنغ باودر
ملعقه صغيره بيكنغ صودا
نص ملعقه صغيره ملح
كوب زبده(القالب اللي بحجم 227 جرام)
كوب سكر أبيض
نص كوب سكر بني
3 بيضات
كوب و نص كريمه حامضه(ساور كريم)
ملعقه صغيره فانيلا
ملعقه صغيره روح اللوز
مقادير حشوة اللوز:ثلاترباع الكوب لوز شرائح
ربع كوب سكر بني
ربع كوب شراب الأناناس( الماء اللي يي مع الأناناس في العلب)
ملعقه صغيره جرفه
مقادير صوص اللوز الأبيض:نص كوب سكر بودره
ملعقه صغيره حليب(ونضيف عقب زياده حسب الحاجه و نحن نحظر الخلطه)
نص ملعقه صغيره روح اللوز
(* نخلطهم مع بعض و نظيف كلحين نص ملعقه صغيره حليب الين ما نوصل للقوام المطلوب).
الطريقه:سخني الفرن على 175 درجه سيليزيه و دهني قالب الكيك المشكل بأشكال بنفس الطريقه اللي شرحتها في كيكة الجرفه و عقب نرش شوية طحين و نستغني عن الزياده.
انخلي الطحين مع البيكنغ باودر و الصودا و الملح و خليهم على صوب.
جهزي خلطة الحشوه بخلط المقادير مع بعض و خليها على صوب.
اخلطي الزبده ويا الشكر الين ما تستوي الخلطه نثره, و عقب ظيفي البيض على مراحل وامبين كل مرحله والثانيه دقيقه عالأقل.
ظيفي الكريمه الحامضه و الفانيلا و روح اللوز واستمري في الخلط الين ما يمتزجون عدل.
ظيفي الطحين المنخول بالتدريج و استمري بالخلط الين ما الخلطه كلها تمتزج عدل.
صبي ثلاث أكواب من العيينه في صينية الكيك وعقب انثري فوقهم خلطة الحشوه ووزعيها بالتساوي و عقب صبي باقي العيينه فوق الحشوه و دخلي الصينيه في الفرن و اخبزي لمدة 45 -50 دقيقه أو الين ما تنضج الكيكه.
عقب ما اتطلعين الكيكه من الفرن خليها تبرد لمدة 10-15 دقيقه بعدين اجلبي الكيكه عالشبك.
خليها تبرد 10 دقايق زياده, في هالأثناء جهزي صوص اللوز الأبيض و صبيه عالكيكه من فوق.
قطعيها و قدميها ساخنه أو بارده :p
والحينه أخليكم مع الصور..
الطحين المنخول مع البيكنغ باودر و الصودا
مقادير حشوة اللوز بعد الخلط
العلبه اللي استخدمت شراب الأناناس اللي فيها
قالب الكيك عقب ما دهنته و رشيته بالطحين
الكيكه عقب ما جلبتها على الشبك و صبيت عليها الصوص الأبيض
صوص اللوز الأبيض
قوام الصوص الأبيض, لازم يكون وسط لا ثجيل وايد ولا رفيع وايد
الكيكه بعد التقطيع
وبالعااااااافيه عليكم :icon28:
يعطيـــــــــــــــــ :26: الف عافيه حبيبتي :26: ــــــــــــــــــــك