كيكتي شهيه ولذيذه اخذتها من وحده من صحباتي الله يجزاها عني خير
المهم مالكم بالطويله اخليكم مع المقادير
قبل المقادير خلونا نسوي الحشوه الي هي عباره عن نص علبة بسكوت شاهي مكسر عادي
نص اصبع زبده تسيح على النار ويضاف لها البسكوت حتى تتشرب ثم يوضع عليها ملعقه وسط قرفه وملعقة كاكاو بودره وملعقة نسكافه وتترك على جنب ونبدا بالكيك
مقادير الكيكه:
3بيضات وفنيلا
نص كاس سكر
نص كاس زيت
نص كاس ماء
3 ملاعق حليب مجفف
تخلط جيدا بالخلاط ويضاف اليها في وعاء آخر كاس ونص دقيق ابيض
وملعقة كبيره بكنج بودر
ناخذ ثلث الكيكه ونخلط معها ملعقة كبيره كاكاو بودره ونخليها على جنب
توضع ثلث الخليط الابيض في صينيه مدهونه بالزيت ومرشوشه بالدقيق وانا احب الصينيه المفتوحه من الوسط احس الكيكه تظبط اكثر لان الحراره تجيها من كل الجهات
ثم نضع الخليط الي بالكاكاو ثم نضع البسكوت ويوزع جيدا على الكيك واخيرا نضيف اخر طبقه من الخليط الابيض ويستحسن يكون كثير عشان يغطي البسكوت زيييييييييين
تدخل الفرن وهو حار وتهدا النار بالنسبه لي دخلتها الفرن وهو حار وهديت عليها 175 د م
ورحت وسيرت نص ساعه وجيت لقيتها متحمره من جميع الجهات ومايبيلها تحمير من فوق
ادري بتقولون جريئه بس شسوي المشوار جا عالسريع
المهم نطلعها ونخليها بقالبها لين تبرد وبعدين نحدد جوانبها بالسكين ونبدا نشتغل بالصوص
الصوص عباره عن
3فناجيل سكر وملعقة زبده وشوي مويه وملعقتين قشطه
طبعا يوظع السكر والمويهتقريبا نص بياله على النار مع الزبد ولماتبتدي تغلي شوي تضاف القشطه مع التحريك السريع ويسكر وتصب مباشره على الكيكه وتزين بالمكسرات
وهذي لقطه داخليه من تصميم وتصوير اطيب قلب
