شلووووووونكم يا احلى ناس إن شاءالله بخير وصحة وعافية .. :D
أمس ماكوو شغل قلت أدش المطبخ وأسوي حلوو حق البيت .. عاد طرت ابالي فكرة (( كيكة سنكرز ))
أكييييييد الكل يحبه مو جذي ^_*
عاد صورتلكم الخطوات أول بأول .. واعذرووني إذا الصور مو أوكي :39:
يلا بسم الله نبتدي ::
المقادير ::
كيك جاهز بالفانيلا << هذه اللي ينباع بالجمعيات صوب الثلاجات معرووف
كيك جاهز بالكاكاو
1 دريم ويب
فانيلا
1 قوطي حليب
1 قيمر ( قشطة)
ككاو سنكرز
زبدة
بسكويت بودر ( نطحنه ) للزينة
انيي الحين للطريقة المصورة ::
1- نقطع الكيك شرائح مثل ماهو موضح بالصورة ::
2- نحضر البايركس المخصص للكيك ونحط الطبقة الأولى اللي عبارة عن كيك الكاكاو ::
3- نخلط فنجان حليب+جيس دريم ويب وشوية فانيلا ونظل نحركه لمدة 3 دقايق لي مايصير متماسك مثل الكريمة ::
4- نحطه عالطبقه الأولى بس ما نغرقه عشان لا تصير الكيكة وايد دسمة ::
5- ناخذ السنكرز والزبدة وربع كوب حليب نحطهم بحمام بخار عالنار لي ما يذووب الككاو كله .. بعدها نضيف نص علبة قيمر ::
يتبعـ ..
6- ونسكب نص خلطة السنكرز فوق الكريمه بهالطريقة ::
7- نغطيها بالطبقة الثانية اللي عبارة عن كيك الفانيلا ::
8- نرد نحط المتبقي من خلطة الدريم ويب ::
9- نسكب النص الثاني من خلطة السنكرز ::
10- نزين الأطراف بالبسكويت المطحون .. أو بأي شكل تبووون ::
11- بالأخير نحطها بالثلاجة ما بين الساعة إلى الساعتين لي ما تتماسك ويتجمد الكاكاو من يديد ...
* وهالصورة تبين طبقات الكيكة من داخل بعد ما قصيتها يم يميييييي شنو طلعت لذيييييييييييييييييذة ^_* ::
وبس .. إن شاءالله تعجبكم
هني وعاااااااااااااااافية ..
بانتظار آرائكم