شخباركم بنات؟؟؟
انا حبيت افيدكم بشغله وطبعا انا حالي من حالكم تمللت من الخلطات و ماتم شي ماحطيته في شعري وتمللت من قلب ..
وانا كنت اعمل شعري بشكل يومي بالأستشوار و خف شعري من الأمام .. و صار يبين فراغات... وبعد اللي زيد الموضوع ان صرت استخدم الستريتر واللي اهو الجهاز اللي يعمل الشعر سييييده ........ المهم يعني بدال ماكحلها عميتها ...
المهم رحت حق عياده لدكتوره اسمها حنان المعرفي < طبعا في البحرين ..
عطتني 3 اشياء اللي اهو شامبو و تونك و حبوب معادن وكل هالأشياء اتحصلونها في الصيدليه .. ولا شي منهم يضر يعني وتقدرون تقرون الوصفه الموجوده مع كل شي .... و تسألون دكتوره او صيدلي اذا كنتو خايفين ...........
المهم الشامبو اهو kaminomoto mild shampoo وهذي صورته مع التونك وسعره 5 دينار و 800 فلس يعني بالريال 58 ريال << اتمنه يكون صح التحويله :09: والتونك kaminomoto hair groth tonic و سعره نسيت بجم بس اعتقد 12 دينار يعني 120 ريال
والحبوب المعادن ب 8 دينار و 600 فلس يعني بالريال 86 ريال << بعد مدري اذا صح حولتها او لا
طبعا الحبوب اهي للشعر والأظافر والبشره .. يعني اتفيدكم و اهو خالي من الألوان الصناعيه و المواد الحافظه والسكر والدهن والملح والخميره والنشاء او غرويات الحبوب ...
الطريقه :
تغسلين شعرج بالشامبو وتقدرين تستخدمينه يوميا ... بعد ماتغسلينه حطي تونك على راحة اليد وحاولي توزعينه من داخل يعني عشان يوصل لفروة الرأس يعني مو شرط اتحطينه لشعرج كامل .. يفضل ان بس من داخل حق القمه بس ...<< اتمنه فهمتوني :eek:
المهم الحبوب تاخذونها مره في اليوم بعد اي وجبة رأيسيه و طبعا اي وقت يعني عادي ان كان مره بعد العشه واليوم الثاني بعد الغده .. مايضر :)
وبس وطبعا اي سؤال انا في الخدمه .. و طبعا يمكن وصفي مافهمتوه بس مكتوب كل شي في الوصفات اللي مع الشامبو والحبوب و التونك اذا شفتوه في الصيدليه ...
اممممم انا عندي صوره من جدام بس لشعري يبين انه نابت فيه الشعر صغار .. بس مدري عادي ان احطها اهني في المنتدى او لا :S ... بس اللي يبيني ارسلها له ماعندي مانع .. والصور مايبين فيها وجهي بس جزء من شعري من جدام
ملااااااااااااااااااحظه
انا الفتره اللي قعدت اعالج شعري فيها اهي شهر تقريبا ... والموضوع يبيله طولت بال .. << طبعا انا مافيني طولت بال يعني لاعت جبدي وتمللت وانا اكل الحبوب واحط لي التونك ههههههههههه بس احاول اصبر نفسي لي مدري متى بالضبط :06: وعلى فكره انا فترة العلاج ما استخدمت الاستشوار خير شر وتصبرت وانا بعيده عنه ولي حد الحين متصبره :( و و و و و لازم ماااااتشدين شعرج على وره بالقوه << هذي الدكتوره قالت لي
وبس ادري وايد تكلمت بس اتمنه انكم فهمتو لكلامي :) ومابي غير دعواتكم لي و ان الله يحقق لي اللي في بالي :)