لاتبخلون علي طالبتكم

مرحبا كيف حالكم ,,,

انا اول مره اكتب في قسم الديكور فحبيتكم تساعدوني عندي غرفه 4×4 اثاثها من ايكيا مودرن ابيض واسود واحمر <<جابت قصة حياتها الموهيم ابي اصبغ جدار واحد وزوجي يقول جدارين الموهيم ابيه اللون اسود هل تنصحوني اسود ساده او فيه خط احمر او جدار احمر وجدار اسود والشي الثاني عندي جدار فيه شباك وجدار فيه تكيف مو سبيلت عادي وجدار فيه باب وكمان الجدار الثاني باب <<الزبده من السالفه وش اصبغ اي جدار اللي بيكون اللون حلو فيه لاني ابي احط فيه لوحات كثيره وكمان وش نوع الصبغه اللي تنصحوني فيها

وغرفه ولدي لونها ازرق سماوي وعشبي الغرفه اللي في ايكيا اول في بيتي القديم حاطه ورق جدران وتخسرت عليه 5000 بس زوجي رافض اني احط ورق جدران وبيتنا ايجار يقول بس خساير الموهيم اني بصبغها بويه وش رايكم وش اللون واسويها جدار مخطط عشبي وسماوي او عشبي واصفر او مدري والله حايسه وش تنصحوني فيه

ياكثر بربرتي بس ابي طاولة طعام 8 كراسي ومعاها بوفيه مالقيت اذا تعرفون محلات لاتبخلون علي

اخر طلب:35: وين ممكن احصل الاحواض اللي يكون جواتها ورد ويتعلق بالجدار مو حوض كامل نص مو اللي تتعلق بالسقف لا ولا ابي اللي للحدايق لا ابيها للدرج مدري فهمتو علي او لا

الله يوفقكم بنات اسدحولي خبراتكم والله يعافيكم ويسهل لكم اموركم ومشكورين مقدما