لاتبخلين برأيك في حل هذي المشكله

السلام عليكم ورحمة الله وبركاته

اخواتي وحبيبات قلبي بنات حواء ..

طلبت مني صديقتي ان اطرح لها مشكلتها بالمنتدى وتساعدونها بالحلول المناسبه

طبعا هي متزوجه وعندها ولد (الله يخليه لها )

مشكلتها زوجها ..كثير السفر والسهر خارج البيت ..حاولت معه بكل الطرق ان تحببه في قعدت البيت بس بدون فايده
و تشك بزوجها وبتصرفاته ..تقول عند شريحتين مخبيهم عنها غير الشريحه الأصليه ودائما يتضايق إذا اتصلت عليه وهو برا البيت ويقول لاتتصلين
طلبت منه تسافر معه رفض وقوم الدنيا على رأسها ولا قعدها..دائما يتذمر ويتشكا من ضيقة الصدر ويقول انه طفشان ويبي يغير جو وحاولت تسايره وقالت خلاص سافر واستانس عشان ترتاح لك كم يوم وبعد مارجع قعد كم يوم وقلب عليها وقام يشتكي من الطفش وحاجته لسفر
يعني بالعربي (آآآناني ويدلع نفسه)
وإذا طلعت معه لمطعم اوالسوق ضاق صدرها من تصرفاته اللي تثير شكوكها

في مره من المرات وهي بالسوق كانت واقفه بعيد عنه مرو من عنده بنتين (طبعا هي تشوفه من بعيد وهو مانتبه لها ) وضحك لهن والبنات يمشون وعينهن له

طبعا تضايقت وقالت له نبي نرجع البيت مابي شي
وبعد مادخلت السياره قالت وش يقولون البنات لك وضحكك قال بس تقول لصاحبتها آآآآه ياقلبي ..وصديقتي تقول البنت قايله لزوجها يوم قربت منه آآآآآآه ياقلبي وهو استانس وضحك
المهم صديقتي تعباااانه نفسيتها..
تشك بزوجها مو بس تشك إلا ذبحها الشك وصراحه يابنات تقطع قلبي كل ماشفتها تبكي وحزينه ويوم تكلم عن زوجها
ماحب أكد لها شكوكها عشان ماتتحول حياتها لجحيم كنت دائما اقول تعوذي من ابليس
انت اللي غلط وزوجك تصرفاته عاديه ..على اني وربي اشك 90 بالميه زوجها يكلم بنات
بس يابنات ترتاح من كلامي شوي وترجع بعد كم يوم بسالفه جديده تثير شكوكها وتقعد تصيح
قلت لها طنشيه مايستاهل تفكرين فيه اتركيه مصيره يعقل ويركد ويجي يدور رضاك لان خواتي دائما يقولون فيه رجال إذا الحرمه طنشتهم يلاحقونها
بس للأسف تقول حاولت ولاتقدر
نهاية الكلا م ..صديقتي تبي الحل ..وش تسوي مع زوجها وتصرفاته الطفوليه وكأنه مايبي يحس انه متزوج ..و يبي حياته له ويعيشها طول وعرض بكيفه
بدون مايفكر بزوجته .. وإذا هي شكاااكه (وهذا اللي صورته لها ) وشلون تتخلص من هالشك الدائم
ساعدوها بردودكم