لاتتسلطون على الناس ياظالمين

السلام
والله حدي مقهورة على اخوي الصغير اي والله
والله انه مؤدب وخلوق بس مشكلته انه يعاني من تسلط واحد عليه بالعمل يكون قريب زوجي
الولد كتم بس تكلم بعدين يقول هذا حده مسوي علي مدير كل شوي يصرخ وكل شوي يكسر مجاديفي يقولي انت مامنك فايدة انت مدري ايش واخوي لسا يتدرب يعني قالي كرهت العمل بسببه واخوي مسكين على النية والله العظيم كره الدوام وعافه بسبته وهناك انظمة وقوانين صارمة واخوي ساكت مايبغى المشاكل يبغى عمله بس
كلمت زوجي قالي هذا الشاب اخلاقه قذرة اعرفه قريبي ماينطاق تصفق مرتين بعمله وعينهم حمرا عليه بيجي يوم وينفصل لانه مسوي فيها انه دارس ومبتعث ومتسلط على خلق الله
قلت حق اخوي اصبر وطنشه ماعليك
والله وادري اول امس انه اخوي متهجم عليه وماسكه على القول طاحنه طحن ووصلت شرطة وفصل ومدري ايش واخوي مدري ايش وضعه الحين بينفصل ولا بيقعد
قلت حق زوجي اخوي ماسواله شي قالي ابد اي والله ماسوا شي بس ماسك الرجال وخانقه خنق وماسح فيه بلاط المكتب ياشيخة شاق قميصه مطلع فيه غل السنة كلها
رحنا حق اخوي قالي والله انا تحملته تحملته بس هو فكر انه سكوتي خوف منه وتمادى علي اخر مرة شغال بشغلي عشان خطأ بسيط يجي يصرخ ويقولي روح بيتكم وانت مامنك فايدة وانا ماحسيت الا هجمت عليه
كلمنا اخوي من ابوي رجال له قدره وقيمته وواصل راح يحل الموضوع بهدوء وزوجي كلم قريبه قاله انت المسؤول لانك انت لي حديته يهينك هذي ثالث مرة تنطق وماتتربى اول واحد تميت عليه الين شق وجهك شق خلاك تتروش بالدم حقك وانفصل بسببك والثاني خلى وجهك خريطة من كثر الكفوف لي اكلتها منه وبمرتين نجيت ومانفصلت بس ان شاء الله اذا انفصل زوج اختي بتنفصل معاه والله لو انفصل بتم وراك حتى تنفصل معاه يليق فيك بياع شاهي مايليق فيك وظيفة محترمة ياوقح وش فيك على خلق الله الناس كلها تكرهك بالعمل زوجي جزاه الله خير هجده ونهى موضوع الشرطة و
انا والله العظيم مقهورة جدا عليه ل اخوي حرام يعني وش يبغى فيه يتسلط عليه اتركه بحاله ايش عندك معاه الولد عاش يتيم فقد ابوه وهو عمره ١٤ سنة وتربى وكبر واجتهد على نفسه تتسلط عليه وعلى غيره كلهم شباب يعملون ويتطورون وهذي شركة حكومية يعني ذولي شغالين لبلدهم انت ايش حادك عليهم الله ياخذهم لي يتسلطون على البشر حدي مقهورة والله