أحدى زميلات اختي تتحدث عن قريبتها تقول القريبة ... زوجي من الطبع الهادي ماعنده لف ولادوران وكان مثل مايقولون (سيدا) ماعنده خط عوج ويخاف ربه مااقولكم مطوع وملتحي لا بس يخاف ربه ويصلي ...
الــــــــوكاد : تقول بأحد الأيام نشبت فيه أبطلع حالي حال خلق الله ابتمشى قال اختاري بمناطق اللمملكة قلت لاوالله ابي ............ الدولة هذي وغير هالديرة مااروح .الرجل رفض(عارف نفسه مثل ماقلت لكم سيـــدا ) وتقول صرت أحن على راسه لحد ماوافق ...سافرنا واستاجرنا بيت وكانو اهل البيت اللي أستأجرناه لهم بنات ماشاء الله فائقات الجمال ودايم مقابلاتنا بالبيت ووحده منهم تتقرب لزوجي وزوجي يصدد موعاجبة الوضع ولاحتى أنا مااعجبني الوضع ولما نطلع من البيت نلقاها متمدده على سيارتنا بالعربي فقعت لي مرارتي قال زوجي جهزو اغراضكم حنا راجعين للسعودية قلت فكه والله عفت هالتمشيه
المهم / رجعنا السعودية ومن بكرا رجع هو لحاله لذيك الدوله وبعد مارجع والله يااخوات جاب معه البنت (تزوجها وجابها لنا) قال : أنتي اللي جبتي الضرة لنفسك انا كنت رافض السفر لأني عارف نفسي ماعندي لف ودوران على طول زواج ولاأحب الحرام والحرمة الحين ماكله اصابع الندم تقول فعلاً انا السبب(الإعتراف بالحق فضيلة ..أنتهت
والله ياأخواتي انا من ساعته صار بي رعب من السفر .. اوصيكن يااخواتي لاتجبرن ازواجكن على السفر خليها تجي منه وان ماجت منه الشكوى لله الطائف حلوه وأبها أحلى ... ودمتم سالمين
دارين نور العين @daryn_nor_alaayn
عضوة جديدة
يلزم عليك تسجيل الدخول أولًا لكتابة تعليق.
هذا يتهدد ولا ياكثر اللي يروحون بزوجاتهم وعيالهم وبطلبهم وانبسطو وصارو يكررونها كل سنه ومثل ماقلتي لابد تصير مضايقات
الصفحة الأخيرة
الله يحفظنا ويكفينا شرهم وصدق الشيطان شاطر والا كيف يفكر يتزوج وحد مبتذله وعارضه نفسها بهالطريقه