لاتحرموني دعائكم ..

السلام عليكم ورحمة الله وبركاته

أنا نفسيتي مره تعبانة وحبيت افضفض :44: اسمحو لي ولا تحرموني دعائكم رجاءاً

يمكن اكثر من وحده تعرف اللي صار لي لاني كتبته في اكثر من رد ...

انا لي تقريبا 9 شهور من تزوجت .

بعد الزواج بشهرين قلت براجع احسن وطلعت الحمدلله سليمه .. وخبرتني الدكتوره اجيب لها تحاليل زوجي لما شافتها قالت لا اختي زوجك يبي لفيتامينات يحتاج يزيد الحركه . ودلتني على طبيب راح يراجع عنده زوجي ووصف له فيتامينات وبعد شهرين صار احسن الحمد لله ..

وانا سويت شى مجنون مره وربي اعتبره اكبر خطأ بعمري زوجي من حبه للاطفال قالي وش رايك تستشيري طبيبتك نسوي تلقيح صناعي ولما قلت لها وافقت وسويت العمليه لكن مانجحت طبعا اثارها السلبيه علي كانت كثير الحبوب والابر اثرو على نفسيتي واجد وخلقت مشاكل بينا ابدا مالها داعي يمكن للحين اثرها مع انه نعرف انها بسبب الهرمونات ومااستفدت شى غير اني حملت نفسي وجسمي فوق طاقته ..

بعدها الدكتوره قالت لي اعصابك مره تعبانه وعندك تهيج في المبيض ووصفت لي مهدأ وقالت لي خذي سنه من غير ادويه احسن وسيبي الموضوع على الله وان ماصار الحمل ارجعي راجعيني ..

الدكتور اللي يتابع عنده زوجي غير المستشفى .. وهالشى كان صلاح لنا لان خلانا نراجع استشاري مره كويس والحمد لله زوجي مرتاح منه طبعا هالاستشاري وبخني وهاوشني كيف لعبت بنفسي وسويت العمليه والمفروض انتظر سنه او حتى سنه ونص قبل مااخطي اي خطوة لعمليه .. وطلب تحاليل جديده لزوجي علشان يبدا معه رحله العلاج . وانا قالي بما انك سليمه ماابي منك ولا شى حاليا ..بس حرص علي مره على موضوع النفسيه وقال هي اهم شى وقالي انه في الجماع الطبيعي يكفي 100 الف لحدوث الحمل وفي التلقيح او اطفال الانابيب مو محتاجين لاكثر من نص مليون قال كل شى يرجع للنفسيه مافي فايده اذا كنتي سليمه، التفكير والقلق يخرب كل شى ..

بس تعرفو خواتي انا الحين بدخل 31 يعني ماتزوجت صغيره وقلبي مألمني كفايه سنين عمري اللي راحت قبل .. احساس مؤلم انك تشوفي الايام تمر قدامك وانت ماجبتي اطفال خاصه وانك سليمه .. بس اجلس افكر طيب لو كنت انا اللي مريضه كان بيتخلى عني او لا .. او لو احتجنا بيوم نسوي عمليه ياترى راح يقدر الشى اللي بسويه ..


طبعا نتايج التحاليل الحمد لله طلعت احسن والدكتور قالو حاليا ماتحتاجون عمليه الا اذا مستعجلين ارجعو اعملو التلقيح بعد 6 شهور ..فرحت له كثير بس نفسيتي كيف اهديها ..

واللي مخليني متضايقه هالشهر تأخرت الدوره اسبوع وماظل احساس ماحسيته آلام ونفسيه حللت مرتين طلع سلبي بس برضو قالت الدكتوره انتظري ممكن تطلعي حامل . وبنفس اليوم بالليل شرفت الدوره .. انكسر خاطري مره وزوجي كان عنده امل ومبسوط ماعرفت وش اقوله حاولت اتهرب من اسئلته ..وش اسوي كاسر خاطري مره يقولي اذا تبين طفل مره انا ابيه مرتين .

ابي اسهى وانسى علشان النفسيه ابي اهديها اذا تقدرون تنصحوني نصحوني بدل مااخزن عصبيتي واجي اتهاوش معه على توافه..


وشى ثاني الناس اكلتني نظراتهم واسئلتهم تقتلني كل مره ..

مع اني معزمه اروح الحج السنة واقول ان شاء الله بعد الحج الله يكتب لي الخير وان شاء الله اذا ماصار برجع اراجع المسشتشفى .


ادعو لي يابنات الله يرزقني ويرزقكم يارب .