لاتحرمووني من دعواتكم الطيبه .. ادخلوا وتذكروني

السلام عليكم ورحمة الله وبركاته

تذكروون موضوعي هذا


http://forum.hawaaworld.com/showthread.php?t=1821120



الجنيين الثاني توفى في بطني ببداية الخامس والحمدلله على كل حال


كان عنده استسقاء الجنيين وهو عباره عن جسمه كله دخل فيه مويه تخيلوا دخل للراس


حتى راسه صار حجمه كبير ودخلت المويه للجلد


الاستشاريين انصدموا قالوا كيف خلال اسبوعين يصير فيه كذا !!!!!!


لاني قبلها باسبوعين كنت عندهم وكل شي تمام تخيلوا طلع ميت في بطني من اسبوعين


ياربي رحمتك وعفوووك


انصدمت لحظتها وبكيت وخبيت على زوجي لانه كان ينتظرني بره وانا بغرفة السونار


يتصل وانا ماارد عليه وش اقوله له !!!!!


طلعت له وصديت وشافني مسكني وانا انهرت في البكى ابكي في السيب مثل المجنونه


حلم دنياي عيالي خلالاص ........


كل شي انتهى لحظتها


هو مسكني وخفف عني وعرف انه ماات


دخل للدكتوره وحطت علي السونار مره ثانيه واول مره يشوف عياله


لانهم مايدخلون رجال بس هالمره دخلوه تخيلوا اول ماشافهم جاه ضيق تنفس وطاح في الارض


انا قمت من سريري ركض عليه ابي ارفعه من الارض وابكي ابكي وجو الدكاتره كلهم واسعفوه


وحطوه بسريري وتحسن شوي


ايام سيئه جدا الله لايحرمنا الاجر


وعملوا لي طلق صناعي تعذبت جدا جاني ضيق تنفس في الطلق وحطوا على الاكسجين

كنت بروح فيها لولا لطف الله


واول ماولدتهم بكيت دم دم آآآآآآه ياحسرة قلبي عليهم


ونزفت كثيير النزيف وصل لظهري من كثره


ودفنهم زوجي في المقبره مع اختهم وصاروا ثلاثه وزوجي ماوقف بكي في المقبره


الله لايحرمنا الاجر


الان لي سنه وماحملت طبيعي ونفسيتي تعبانه شوي


بالرغم اني قبلها حملت مرتين طبيعي مدري وش فيني


كل شي سليم


بنااات انا حجزت موعد الان في التخصصي وموعدي السبت الجااي


واكيد بيبتدون معي عشان اعمل العمليه مره ثانيه


دعواتكم لي تكففوووون بنجاح العمليه


خااايفه من الفشل


كل مااتذكر اني بسوي العمليه يجيني مغص في بطني


خااايفه حيييييييل


وسؤالي لكم ماهو علاج التابعه ؟


اللي كانت حالتها مثل حالتي وبعدها استمر حملها تعطيني العلالاج


اللي معي تابعه


كل مره قبل مايموت الجنين تحلم قبلها بيوم بكلب يعضني او قطط تهاجمني وحيوانات

بالرغم اني ارقي نفسي باستمرار


الحمدلله اللذي لايحمد على مكروه سواه


دعواتكم لي احبتي في الله