لاتشيلين هم اسمرار المنطقه الحساسه 🌸

السلام عليكم ورحمة الله وبركاته
موضوعي اليوم بيكون اختصار للخلطات الخاصه لتفتيح منطقة البكيني ، انا يابنات منطقتي غامقه مره مايله للسواد ماكان فيه وعي وقتها كيف يكون الاهتمام فيها ويشهد الله علي فتحت منطقتي كثييير وابيكم تستفيدون معاي وماتفقدون الامل ابدا لان انا كنت فاقده الامل زيكم حلواتي 💜 وبحكم تجربتي الطويلة راح اختصر عليكم الكثير ومابي الا دعواتكم " كل الي بسرده تحت مجرب علي"
بسم الله نبدأ مع الخلطات المشهورة : 

1- الخلطة الثلاثيه "كرتزون" 🌸
تورد المنطقه وتبيضها وبفترة قصيرة لكن تحتوي على كرتزون وتضر بالمنطقه مع الوقت ممكن تجيك حكه خفيفه لانها تقشر المنطقة + اذا تركتيها ترجع مثل ماهي "ما انصح فيها كثير الا اذا كان توهقتي بوقت قصير ووقت زواج والى اخره لكن كاهتمام دائم وخيار تبيض للمنطقه على المدى البعيد ما انصح . 

2- خلطة الجليسوليد + اسكينول ليمون 🌼
(جليسوليد ، زيت لوز مر ، مويه ورد ) 
رهيبة على المدى البعيد والنتايج بتطول معاك بس ثابته ونتيجة ترضيك وغير النعومه والريحه الكويسه ، نصيحة حطيها وانتي بدورة المياه اكرمك الله علشان ماتنسين وقت النوم او تتكاسلين ، تمسحين المنطقه بقطنه نظيفه اسكينول ليمون تحسين بقرصات بس عادي وتحطين بعدها الخلطة "لاتحطينها بعد الحلاقه"  .  

2-الخلطة الفتاكة والسحر والي انصح فيها 
(لوشن بيبانثين بالحليب مع كريم الفا بلس )
الخلطة هذي كنت احطها وماتوقعت فيها نتيجة وانصدمت من بياض المنطقه وورديه وتقريبا بعد شهر ونص !! انصدمت حرفيا ومافيها تقشير ومافيها حكة ولا فيها كرتزون مره جباره تخلطون كريم الفا بلس بنفس علبة لوشن بيبانثين بالحليب للتفتيح وتحطونها بالليل وتغسلونهاالصبح ولا تستخدمون هالفترة اي مقشرات او مواد كيميائية يابنات انصحكم فيها بس سعرها شوي غالي تقريبا ١٣٠ بس تستاهل بتدعون لي بناتتت هذي سحر سحر  . 

3- فيه كريم جديد هابين فيه اسمه توبينج بالم بلس 
ترطيبه عالي وريحته زي الحلاوه بالبرتقال ودك تاكلينها لكن الكمية مره قليلة والسعر ماشوفه مناسب بنسبة لكميته وما استفدت الا للترطيب فقط وريحة "جربته تقريبا لي اسبوعين وبوافيكم بالنتايج اذا لقيت شي " لكن انصحها للمتزوجات كريحه جمييله وترطيب عالي طول اليوم وريحه فواحه . 

وبس اختصرت عليكم التجارب بنات واتمنى استفدتو ومابي الا دعواتكم والله يسعدكم يارب 💜💜