صراحه ماعاد ادري وش اقول..؟؟..
لكن لو بيسمعون كلامك البنات عز الله محد تزوج..
حلوه اكبر عدو لك..!!!!
ماأدري انتي تتريقين ولا صادقه ولا وش السالفه..
حبيبتي افتحي المجال لغيرك واذا انتي عايشه بتشاؤم فأسمحي لنا نعيش بتفاااااااؤل..
وفيه حريم غيرك متزوجين من سنين ودخلوا هنا وقالوا كلامي صحيح..
امي الله يطول بعمرها ويخليها هي وابوي متزوجين من 32 سنه والحمد لله عايشين بوناسه الله لايغير عليهم..يعني لاتعممين على جميع الرجال وتتهميهم هالأتهام..
من الموضوع اللي حطيته وااااضح كلامي..اللي تحب زوجها تدخل فقط فقط فقط..واللي بس حاقده وقلبها مليان وترمي كلام موضوعي يتعذرها..
لي باااااك للمتفائلين والفاهمين والعادلين..
صراحه ماعاد ادري وش اقول..؟؟..
لكن لو بيسمعون كلامك البنات عز الله محد تزوج..
حلوه اكبر عدو...
فيه شيء انا اكتشفته من تجربتي وتجارب كثيره..تصدقون ان الرومنسيه الجارفه والقويه في الزوجه ممكن تسبب ملل للزوج..كيف؟؟؟
ممل جدا للرجل ان يكون عايش 24 ساعه في عالم الأحلام والرومنسيه مع زوجته..لذلك تجدونهم يصدمونكم بردودهم اللي ماتتوقعونها..
وتقولين (انا رومنسيه واسوي دائما حفلات له واعزمه على مطعم برا بس هو بارد وجاف ومايحس فيني وانه ماكان كذا ببداية الزواج وكان رومنسي مثلي ومن هالكلام)...
حبيبتي يحتاج الرجل الى حياه جديه بين الحين والأخر حتى لايفقد تركيزه..لأنه هو عارف في قرارة نفسه انه لو انجرف معاك بالرومنسيه ماعاد يعرف يفكر..ايه ماعاد يعرف يفكر لأنه يسلم لك قلبه وتفكيره..وهالشيء مو حلو بالمره لا لك ولا لزوجك..فلذلك اغلب الأحيان مافيه شيء اسمه زوجي بارد فيه شيء اسمه انك ماعرفتي تختارين الوقت المناسب لرومنسيتك..
وهذا جوابي لأغلب الحريم اللي يقولون ان الزواج حلو ببدايته وبشهر العسل بس بعدين تنقلب حياتك وينقلب زوجك..هي المسأله ان الرجال يحبون كل شيء في وقته واغلبهم مايحبون المفاجأت لأنها تربكهم وهالكلام من واقع تجارب نفسيه على مجموعه كبيره من الرجال..وفي عقلهم الباطن ان شهر العسل فقط شهر الرومنسيه والدلال والدلع..لكن لو تعودين زوجك على لحظات رومنسيه معينه تشوفينه فيها رااااااايق ومبسوط تكون احلى عنده من يوووم كله رومنسيه..حتى يصير مشتااااق لرومنسيتك ومشتاااااااق لحركاتك..
يعني الشيء اذا زاد عن حده انقلب ضده..تطلعين مثلا معاه تتمشون مو شرط يكون طول الخط يتغزل فيك والعكس..ابدا مارسي حياتك بطبيعيه سولفي بعفويه واستهبلوا مع بعض وفلوها وارمي عليه كم كلمه حلوه تحمسه لك وتعيد الذكريات الحلوه بينكم..
بين الحين والآخر في السياره امسكي يده بحنان وقولي له الله يخليك لي ياااعمري انت وفكي يده..وشوفي كيف يرجع يمسك يدك..الحياه الزوجيه حياه واقعيه صحيح انا احنا الحريم نبغاها كل ابوها رومنسيه واحلام لكن الواقع يقول غير..فأحرصي انك تعرفي الأوقات اللي مناسبه فيها الرومنسيه والدلع..ماأقول انك مثلا بالحياه الجديه تكوني انتي جافه..لا وألف لأ..جاك من العمل معصب ومتنرفز روقيه بكم كلمه حلوه منك ولا تقلبيها جلسه رومنسيه..
مثلا جاك يشتكيلك من موقف مر به وكان متضايق شوفي الموقف نفسه وش يحتاج منك..كان يحتاج حنان ووقفة حبيبته معاه عطيه حنان الدنيا ولاتحرمينه من شيء..كان يحتاج رأي سديد اسعفيه برايك..كان يحتاج نصيحه عطيه من اللي عندك وهكذا..
لوعندكم مثلا مناسبه خاصه فيكم ذكرى زواجكم او غيره خبريه قبلها وقولي له حبيبي اليوم كذا وكذا وابغى اسويها لك ليله خاصه..ومو شرط عشاء فاخر دائما او عزيمه برا..البساطه احيانا جميله وتدخل النفس وتعلق بالعقل..كمان مو شرط تكون لياليكم كلها بسيطه وبالبيت لأ..مره من عشر مرات سويها فخمه وكذا..المهم تعرفي تختاري الوقت المناسب..
ولي باك..